"މޯލްޑިވްސް ބްރޯޑްކާސްޓް އެވޯޑްސް 2022" އަށް ކުރިމަތިލުމުގެ ފުރުސަތު މޯލްޑިވްސް ބްރޯޑްކާސްޓިން ކޮމިޝަނުން ހުޅުވާލައިފިއެވެ.
ބްރޯޑް ކާސްޓިން ކޮމިޝަނުން "މޯލްޑިވްސް ބްރޯޑްކާސްޓް އެވޯޑްސް 2022" އެވޯޑް ދޭނެ އުސޫލު އާއްމުކޮށްފައިވާއިރު އެ އުސޫލުގައިވާ ގޮތުން އެވޯޑަށް ކުރިމަތިލެވޭނީ މޯލްޑިވްސް ބްރޯޑްކާސްޓިން ކޮމިޝަނުން ލައިސަންސް ދޫކޮށްފައިވާ ބްރޯޑްކާސްޓަރުންނަށެވެ.
މީގެ އިތުރުން ނޫސްވެރިޔެއް ނުވަތަ އަމިއްލަ ފަރާތަކުން ކުރިމަތިލާނަމަ ލާންވާނީ ކޮމިޝަނުން ލައިސަންސް ދޫކޮށްފައިވާ ބްރޯޑްކާސްޓަރަކާއި އެއްކޮށް ކޮށްފައިވާ މަސައްކަތަކަށް ނުވަތަ ބްރޯޑް ކާސްޓްކޮށްފައިވާ ކޮންޓެންޓަކަށް ވެސް މި އެވޯޑަށް ކުރިމަތި ލެވޭނެއެވެ.
މޯލްޑިވްސް ބްރޯޑްކާސްޓް އެވޯޑް ދިނުމަށް ހަމަޖެހިފައިވާ ދާއިރާތައް:
- އެންމެ މޮޅު ޑޮކިއުމެންޓަރީ ޕްރޮގްރާމް
- އެންމެ މޮޅު ކަރަންޓް އެފެއާޒް ޕްރޮގްރާމް
- އެންމެ މޮޅު މުނިފޫހިފިލުވުމުގެ ޕްރޮގްރާމް
- އެެންމެ މޮޅު ކުޑަކުދިންގެ ޕްރޮގްރާމް
- އެންމެ މޮޅު ޑޭޓައިމް ޕްރޮގްރާމް
- އެންމެ މޮޅު ދީނީ ހޭލުންތެރިކުރުމުގެ ޕްރޮގްރާމް
- އެންމެ މޮޅު ކުޅިވަރު ޕްރޮގްރާމް
- އެންމެ މޮޅު ތިމާވެށި ޕްރޮގްރާމް
- އެންމެ މޮޅު އުފެއްދުންތެރި ޕްރޮގްރާމް
- އަހަރުގެ އިޖްތިމާއީ ޕްރޮގްރާމް
- އަހަރުގެ އެންމެ މޮޅު ކެމްޕެއިން (އިޖްތިމާޢީ ކެމްޕޭން އަދި މާރކެޓިންގ ކެމްޕޭން)
- އެންމެ މޮޅު ނިއުސް އެންކާ
- އަހަރުގެ ނޫސްވެރިޔާ
- އެންމެ މޮޅު ޕްރޮގްރާމް ޕްރެޒެންޓާ
- އެންމެ މޮޅު ކެމެރާ ޕާސަން
- އެންމެ އުއްމީދީ ނޫސްވެރިޔާ
- ބެސްޓް ބްރޯޑްކާސްޓިން ޗެނަލް
- ބެސްޓް އިންކްލޫސިވް ބްރޯޑްކާސްޓާ
- އެންމެ އުފެއްދުންތެރި ޗެނަލް
މިއީ ބްރޯޑްކާސްޓިން ދާއިރާއަށް ހާއްސަކޮށްގެން ބްރޯޑްކާސްޓިން ކޮމިޝަނުން ފުރަތަމަ ފަހަރަށް ދޭން ފަށަން ނިންމާފައިވާ އެވޯޑެކެވެ.
