ރަޝިއާގެ އަސްކަރީ ބާރުތަކުން އަމާޒު ހިފާފައި ވަނީ ޔޫކްރައިންގެ ވެރިރަށް ކިއޭވް ވަށާލުމަށް ކަމަށް ޔޫކްރައިންގެ ދިފާއީ ވުޒާރާއިން މިއަދު އާންމު ކުރި ބަޔާނެއް ބުނެފިއެވެ.
ޔޫކްރައިން އަސްކަރިއްޔާގެ ބަޔާނާ ހަވާލާދީ ސީއެންއެންއިން ބުނީ މަރަކޯވް އޭ ކިއުނު ސަރަހައްދުން ރަޝިއާގެ އަސްކަރިއްޔާއަށް ހުރަސް އަޅާ، ހުއްޓުވާފައި ވާ ކަމަށެވެ. މަރަކޯވް ސަރަހައްދަކީ، ކިއޭވްއާ ގާތްގަނޑަކަށް 37 މޭލު ދުރުގައި އޮންނަ ސަރަހައްދެކެވެ.
ޔޫކްރައިންގެ ދިފާއި ވުޒާރާއިން ބުނީ ރަޝިއާ އަސްކަރިއްޔާގެ އޮޕަރޭޝަނަލް ރިޒާވް ފައުޖުގެ ބާރުވެސް ކެނޑެމުން ދާ ކަމަށާ، ތައްޔާރީތައް ވަމުން ދަނީ އިތުރު ފައުޖުތަކާ ވަސީލަތްތައް، އިރުމައްޗާއި ދެކުނުން ފޮނުވުމަށް ކަމަށެވެ.
ކަން މިހެން އޮތް އިރު، ޔޫކްރައިންގައި ހަނގުރާމަ ކުރިއަށް ދަނީ ޕްލޭނާ އެއްގޮތަށް ކަމަށް ރަޝިއާގެ ރައީސް، ވްލޭޑްމިއާ ޕޫޓިން ވަނީ ބުރާސްފަތި ދުވަހުގެ ވަގުތެއްގައި ވިދާޅުވެފައެވެ. ޕޫޓިން މިފަދައިން ވިދާޅުވެފައި ވާއިރު، ބައެއް ގައުމުތަކުން ވަނީ، ހަނގުރާމަ ކުރިއަށް ދަނީ ޕްލޭނާ އެއް ގޮތަށް ނޫން ކަމަށް ބުނެފައެވެ.
ޔޫކްރައިންގެ ދިފާއި ވުޒާރާއިން ވަނީ، ކަޅުގަނޑުގެ އައްސޭރި ފަށުގެ ސަރަހައްދަށް، ރަޝިއާގެ ފައުޖުތަކުން ޖަމާވަމުންދާ ދިއުން ކުރިއަށް ދާ ކަމަށްވެސް ބުނެފައެވެ.
ރަޝިއާގެ އަސްކަރިއްޔާއިން ޔޫކްރައިންއަށް އަރާފައި ވަނީ، ފެބުރުއަރީ 24 ވަނަ ދުވަހު، ޕޫޓިންގެ އަމުރުފުޅަކަށެވެ.
އެމެރިކާ އާއި ޔޫރަޕް އަދި ނޭޓޯ އަކީ އެއީ ދެން ފޭކް އޮފް ދަ ފޭކް ކަން މިފަހަރު ދުނިޔޭގެ އެންމެނަށް ފަޅާ އަރާނެއޭ ޗައިނާ އާއި އަދި ރަޝިއާ ގުޅިގެން އެމެރިކާގެ ގޮނޑި ކޮއްކޮ ސަރުކާރު އުފައްދައިގެން ޔުކްރެއިންގެ ދާޚިލީ ކަންކަމުގެ ތެރެއަށް އެމެރިކާ ވަދެއޮވެ މުޅި ޔުކްރެެއިން ގައި ވަކިވެގަތުމަށް މަސައްކަތް ކުރާ މާރސިނަރީސް އުފައްދައިގެން ސީރިއާ އަދި ލީބިއާ އަށް ހެދި ގޮތަށް ރަޝިއާ އަށް ހަދަން އޮތް ޕްލޭން މިފަަހަރު ފުނޑާލާނެއޭ ޕުޓިން އާއި ޝީ ގުޅިގެން ރަޝިއާ ގިއަރ އަޕް އަޕް އަޕް