ރަޝިއާއިން ޔޫކްރޭނަށް އަރާ އެ ގައުމުގައި ކުރަމުން ދާ ހަނގުރާމާގައި އެމެރިކާގެ އަސްކަރިއްޔާއިން އަމަލީ ގޮތުން ބައިވެރި ނުވާނެ ކަމަށް އެމެރިކާގެ ރައީސް ޖޯ ބައިޑަން ވިދާޅުވެއްޖެއެވެ.
ވިލާތުގެ އިރުމަތީ ބިތުގައި ނިއުޅެމުންދާ ހަނގުރާމައިގެ ނުތަނަވަސް މަސްރަހާ ބެހޭ ގޮތުން ވާހަކަދައްކަވަމުން ބައިޑަން ވަނީ އެމެރިކާއިން ސީދާ އަސްކަރީ ހަރަކާތަށް ނުދާނެ ކަމަށާ، ނަމަވެސް އެމެރިކާއާއި ނޭޓޯގެ ބައިވެރިންގެ ސަލާމަތްތެރިކަން ކަށަވަރު ކުރައްވާނެ ކަމަށެވެ. އަދި އިރުމަތީ ބިތުގެ ބައިވެރިންގެ ސަލާމަތްތެރިކަން ކަށަވަރު ކުރައްވާނެ ކަމަށްވެސް ބައިޑަން ވަނީ ވިދާޅުވެފައެވެ.
ރަޝިއާއިން ޔޫކްރޭނަށް އަރާ، ހަނގުރާމަ ފަށާފައި ވާ އިރު، އެމެރިކާއިން މިވަގުތު ބޭނުން ކުރަމުންދާ އެންމެ ވަރުގަދަ ހަތިޔާރަކަށް ވެފައި އޮތީ ދަތިކުރުމުގެ ފިޔަވަޅުތަކެވެ. އެގޮތުން، އެމެރިކާއިން ވަނީ ރަޝިއާއާ ދެކޮޅަށް ތަންފީޒު ކުރާ ދަތިކުރުމުގެ ފިޔަވަޅުތައް އިތުރަށް ވަރުގަދަވެސް ކޮށްފައެވެ.
އެގޮތުން، ޓެކްނޮލޮޖީ އެކްސްޕޯޓް ކުރުން މަޑުޖައްސާލުން ފާހަގަ ކުރަންޖެހެއެވެ. މިކަމަކީ ރަޝިއާއަށް އަސްކަރީ ގޮތުން ކުރިއަރާ ދިއުމަށް އެޅޭނެ ހުރަހެއް ކަމުގައި ގަބޫލު ކުރެވެއެވެ. މީގެ އިތުރުން، އެމެރިކާއިން ވަނީ ރަޝިއާގެ ބޭންކުތަކުގައި ރަޝިއާގެ ހުދުމުހުތާރު މަހުޖަނުންނާ އެމީހުންގެ އާއިލާތަކާ ދެކޮޅަށްވެސް ދަތިކުރުމުގެ ފިޔަވަޅުތައް ތަންފީޒުކޮށްފައެވެ.
އަދި ރަޝިއާގެ ރައީސް ވްލޭޑްމިއާ ޕޫޓިންއާ ދެކޮޅަށް ދަތިކުރުމުގެ ފިޔަވަޅު ތަންފީޒު ކުރުމުގެ ފުރުސަތުވެސް އެގޮތުގައި އެބައޮތް ކަން އެމެރިކާގެ ރައީސް ވަނީ ފާހަގަ ކުރައްވާފައެވެ.
މަސްރަހާ ބެހޭ ގޮތުން ވާހަކަދެއްކެވުމުގައި ބައިޑަން ގެންގުޅުއްވީ، ރަޝިއާއާ މެދު ޖެހިލުންވެވަޑައިގަތުމުގެ ރޫހެއް ކަމުގައި ފާހަގަ ކުރެވެއެވެ. އެގޮތުން، އެމެރިކާއިން އަޅަމުންދާ ފިޔަވަޅުތަކަކީ އެއްވެސް ހާލެއްގައި ރަޝިއާއާ ދެކޮޅަށް ކުރާ ހަނގުރާމައެއް ނޫން ކަމަށާ، ނަމަވެސް އެއީ ދިފާއީ ފިޔަވަޅުތަކެއް ކަމަށް ބައިޑަން ވަނީ ފާހަގަ ކުރައްވާފައެވެ.
ޔޫކްރައިންގައި ތިބި އެމެރިކާގެ ރައްޔިތުން ބޭލުމަށްވެސް އެމެރިކާގެ އަސްކަރިއްޔާ ޔޫކްރޭނަށް ނާރާނެ ކަމަށާ، އެމެރިކާއިން ރަޝިއާއާ ދެކޮޅަށް ހަނގުރާމަ ފަށައިފިނަމަ އެ ފެށުނީ ދުނިޔޭގެ ފެންވަރުގެ ހަނގުރާމައެއް ކަމަށްވެސް ބައިޑަން މީގެ ކުރިން ވަނީ ވިދާޅުވެފައެވެ.
އެމެރިކާގެ އަސްކަރީ ފައުޖުތައް ހަރަކާތްތެރިވަމުން ދަނީ ޔޫކްރޭނާއި ރަޝިއާ ސަރަހައްދުގައި އޮތް އަވަށްޓެރި ގައުމުތަކުގައި ކަން ފާހަގަ ކުރަން ޖެހެއެވެ.
ފުރިހަމަ އަސްކަރީ ބާރާއެކު ރަޝިއާގެ ފައުޖުތަކުން ޔޫކްރޭނަށް އަރާ، އެ ގައުމު ހިފުމުގެ އަގު، އެމެރިކާގެ ރައްޔިތުން އަދާ ކުރަން ޖެހޭނެ ކަމުގެ އިންޒާރު، ބައިޑަން ވަނީ ދެއްވާފައެވެ.
