އައިޖީއެމްއެޗަށް ފޯނުން ގުޅައިގެން ޑޮކްޓަރަށް ދައްކަން އެޕޮއިންޓްމަންޓް ހެއްދުމަށް ފަހު، ޑޮކްޓަރަށް ދައްކަން ގިނަ އަދަދެއްގެ މީހުން ނުދާ ކަަމަށް އެ ހޮސްޕިޓަލުން ބުނެފިއެވެ.
އައިޖީއެމްއެޗުން ބުނީ، މި މަހުގެ 11 ވަނަ ދުވަހު އެ ހޮސްޕިޓަލުން ޑޮކްޓަރަށް ދެއްކުމަށް އެޕޮއިންޓްމަންޓް ހަދާފައި ތިބި މީހުންގެ ތެރެއިން ފޯނުން ޔަގީން ކަން ދިނުމަށް ފަހުގައި ވެސް ޑޮކްޓަރަށް ދައްކަން ނުދާ ގިނަ ބަޔަކު އެބަ ތިބި ކަމަށެވެ. އެ ގޮތުން އެ ދުވަހު 148 މީހުން ޑޮކްޓަރަށް ދައްކާނެ ކަމުގެ ޔަގީންކަން ދީފައި ޑޮކްޓަރަށް ނުދައްކާ އެބަ ތިއްބެވެ. އެއީ ޑޮކްޓަރަށް ދައްކަން އެޕޮއިންޓްމަންޓްގެ ޔަގީންކަން ދިން މީހުންގެ ނިސްބަތަށް ބަލާއިރު 44 ޕަސެންޓް މީހުން ކަމަށް އެ ހޮސްޕިޓަލުން ބުނެއެވެ.
ސިއްހީ ގޮތުން ކަމެއް ދިމާވެއްޖެ ނަމަ މި ރާއްޖޭގެ އާބާދީގެ ގިނަ ބަޔަކު ހިޔާރު ކުރާނީ މާލޭގައި ހުންނަ އައިޖީއެމްއެޗުން ޑޮކްޓަރަށް ދައްކާށެވެ. ނަމަވެސް އެ ހޮސްޕިޓަލުން ޑޮކްޓަރަށް ދެއްކުމަށް ނަންބަރު ހޯދުމަކީ ވޭނަކަށް ވުމުގެ އިތުރުން ދަތި އަދި އެހާމެ އުނދަގޫ ކަމަކަށް އޮންނަނީ ވެފައެވެ. ބައެއް ފަހަރު އެޕޮއިންޓްމަންޓް ހޯދުމަށް އިންތިޒާރުގައި ކިއުގައި ތިބޭތާ އަހަރު ދުވަސް، 8 މަސް، 7 މަސް ފާއިތުވާ ފަހުން ވެސް ނަންބަރު ލިބޭ ފަހަރު އާދެއެވެ.
މާލެ ސަރަހައްދުގައި ދިރިއުޅޭ ގިނަ ބަޔަކު ވެސް އައިޖީއެމްއެޗަށް ދައްކަން އިސްކަމެއް ދެނީ އަތުން ފައިސާއެއް ހަރަދު ނުކޮށް ހުރިހާ ކަމެއް އާސަންދައިގެ ދަށުން ނިންމާލެވޭތީ ކަަމަށް ބައެއް މީހުން ބުނެއެވެ. މާލެ ނޫނަސް ރަށްރަށުގައި ތިބޭ މީހުން ވެސް ބޭސްފަރުވާ އަށް ޑޮކްޓަރަށް ދެއްކުމަށާއި ޓެސްޓުތަކެއް ހަދަން ޖެހޭ ފަދަ ހާލަތެއް މެދުވެރި ވެއްޖެ ނަމަ އަތޮޅުތެރޭގައި ހުންނަ ހޮސްޕިޓަލުތަކަށް ދެއްކުމަށް ވުރެ، އައިޖީއެމްއެޗަށް ދެއްކުން އިސްކުރާތަން ފެނެއެވެ. އަދި މިފަދައިން ޑޮކްޓަރަށް ދައްކަން މަސައްކަތް ކުރާ އެތައް ބަޔަކު މާލެއަށް ނައިސް ވެސް ޑޮކްޓަރަށް ދެއްކުމަށް އެޕޮއިންޓްމަންޓް ކުރިއާ ލައި ރަށުގައި ތިބެގެން ހައްދަނީ މާލެ އައިސް ގިނަ ދުވަސްތަކެއް ވަންދެން މަޑު ނުކޮށް ފަރުޖައްސާލާށެވެ.
އައިޖީއެމްއެޗުން ފަރުވާ ހޯދަން ބޭނުންވާ ގިނަ ބަޔަކު މި މުޖުތަމައުގައި ތިބި އިރު، އަބަދުވެސް އެ ހޮސްޕިޓަލުން އެޕޮއިންޓްމަންޓް ލިބުމުގައި ބޮޑުތަނުން ލަސް ކަމަށް ބުނެ އާންމުން އަންނަނީ އިންތިހާއަށް ޝަކުވާ ކުރަމުންނެވެ. އެފަދަ ޝަކުވާތައް ގިނަ ވަމުން އަންނަ އިރު، ފޯނުން އެޕޮއިންޓްމަންޓްގެ ޔަގީންކަން ދިނުމަށް ފަހުވެސް ޑޮކްޓަރަށް ދައްކަން ނުދާ މީހުން އިތުރުވަމުން ދިއުމަކީ ކަންބޮޑުވާން ޖެހޭ މައްސަލައެކެވެ.
މި ކަމާ ގުޅިގެން އެއްބަޔަކު ބުނަނީ، އެ ފަދަ ކަންކަން ދިމާވެދާނެ ދެ ހާލަތެއް އޮވެދާނެ ކަމަށެވެ. އެއް ހާލަތަކީ އެ ހޮސްޕިޓަލުގެ އެޕޮއިންޓްމަންޓް ލަސްވެގެން އެހެން ހޮސްޕިޓަލަކަށް ދެއްކުމެވެ. އަނެއް ގޮތަކީ ރަށުން ބޭރުގައި ތިބެ އެޕޮއިންޓްމަންޓް ހަމަޖައްސާ މީހުންނަށް އެ ދުވަހަށް މާލެއަށް ނާދެވުމެވެ.
މިފަދަ ހާލަތެއް ދިމާވެއްޖެ ނަމަ، އެކަން ހޮސްޕިޓަލަށް އަންގާ އެޕޮއިނޓްމަންޓް ކެންސަލް ކޮށްލާ ނަމަ އެ ފުރުސަތު ކިއުގައި ތިބޭ އެހެން މީހުންނަށް ލިބިގެން ދާނެއެވެ. އަދި އޭރުން ހޮސްޕިޓަލު ކިއު ކުޑަ ވެގެން ދިއުމާ އެކު އަވަހަށް މީހުންނަށް ހިދުމަތް ހޯދުމަށް ފަސޭހަ ވެެގެން ވެސް ދާނެއެވެ.
އެޕޮއިންޓްމަންޓް ހަމަޖެހިގެން ދައްކަން ދާ އޮންނަ ދުވަހު ގުޅާލާފަ އެބަ ބުނޭ ޑރ ހުރީ ސިކް ލީވްގައޭ، ޓެސްޓް ތަށް ހައްދާފަ ނުދެއްކި އެބަދޭ ތިން ހަތަރު ހަފްތާ. ޑރ ދައްކަން މިދަނީ އަވަހަށް ދައްކާފަ ފަރުހޯދަން، މިހެން ފަރުވާ ލަސްވަންޔާ ދެން ޖެހޭނީ ކިތައްމެ އަގު ބޮޑަސް އެހެން އަމިއްލަ ތަނަކަށް ދައްކަންތާ. މީ މިފަހުން އަޅުގަނޑަ ދިމާވި ކަމެށް މިބުނީ.
ގޮތެއްނެތިގެންނޫނީ އައިޖީއެމްއެޗަށްދާކަށް ބޭނުމެއްނުން.ފަރުވާވެސް ކުޑަ.ޚިދުމަތް ހޯދަންޖެހެނީވެސް ގަދަބާރުން.
ތިތަން ވަނީ މިހާރު ބިލިމީހުންނަށް އޮތް ބޮޑު މުސީބާތަކަށް ވެފާ ފުރާނަ ދާއިރުވެސް ޑޮކުޓަރަކު ކީއްކުރަން ނަރުހަކުވެސް ލޮލަށް ނުފެނޭ ހިދުމަތްތައް އެހާލަސް ކަމަކު ނުދޭ އެކަމަކު ފެންވަރު ރަނގަޅުވެގެން ގޮސް އެތިބެނީ ދެފައި ގާތްނުވެފާ////////