ކޮވިޑާ ގުޅިގެން ށ. މާއުނގޫދޫ އާއި ފ. ނިލަންދޫ މޮނިޓަރިން ހާލަތަށް ގެނެސްފިއެވެ.
މާއުނގޫދޫ މޮނިޓަރިން ހާލަތަށް ގެނެސްފައި ވަނީ ފުލޫ ކްލިނިކަށް ދެއްކި ދެ މީހަކު ޕޮޒިޓިވް ވުމާ ގުޅިގެންނެވެ.
އޭގެ އިތުރުން ނިލަންދޫ މޮނިޓަރިން ހާލަތަށް ގެނެސްފައި ވަނީ ފުލޫ ކްލިނިކަށް ދެއްކި ފަސް މީހުން ޕޮޒިޓިވް ވުމާ ގުޅިގެން ކަމަށް "ދަ ޕްރެސް" އަށް މައުލޫމާތު ދެއްވަމުން ނިލަންދޫ ކައުންސިލްގެ މެންބަރު ސަމީރާ އިބްރާހިމް ވަނީ ވިދާޅުވެފައެވެ.
މިވަގުތު 13 ރަށެއް މޮނިޓަރިން ހާލަތުގައި އެބަ އޮތެއެވެ.
އޭގެ ތެރެއިން މިދިޔަ މަހު މޮނިޓަރިންގެ ހާލަތަށް ގެނައި ރަށްތަކުގެ ތެރެއިން މިވަގުތު މޮނިޓަރިންގައި އޮތީ 5 ރަށެކެވެ. އެއީ ކ.ގާފަރު، ސ، މަރަދޫ ފޭދޫ، ސ. ފޭދޫ، ސ. މަރަދޫ އަދި ސ. ހިތަދޫ އެވެ.
މިމަހު މޮނިޓަރިންގެ ހާލަތަށް ގެނައި ރަށްތަކުގެ ތެރެއިން މިވަގުތު މޮނިޓަރިންގައި އޮތީ 8 ރަށެކެވެ.
އެއީ ސ. ހުޅުމީދޫ، ގއ. ގެމަނަފުށި، ގއ. މާމެންދޫ، ތ. ދިޔަމިގިލި، ގއ.ވިލިންގިލި، ގއ. ކޮލަމާފުށި، ށި. މާއުނގުދޫ އަދި ފ. ނިލަންދޫއެވެ.
