ސޯޝަލް މީޑިއާ އަށް ބަރަހަނާ ވީޑިއޯ އާންމު ކުރި މައްސަލައިގައި ހައްޔަރުކުރި މީހާގެ ބަންދަށް 12 ދުވަސް ޖަހައިފިއެވެ.
އެމައްސަލާގައި ފުލުހުން ހައްޔަރުކޮށްފައި ވަނީ އުމުރުން 36 އަހަރުގެ މީހެކެވެ.
މީގެ ކުރިން އޭނާގެ ބަންދަށް 15 ދުވަހުގެ މުއްދަތެއް ޖަހާފައިވާއިރު އެމުއްދަތު ހަމަވުމުން މިއަދު ކޯޓަށް ހާޒިރު ކުރުމުން އިތުރު 12 ދުވަހުގެ މުއްދަތެއް ޖަހާފައިވާ ކަމަށް ފުލުހުން ވަނީ ބުނެފައެވެ.
ރާއްޖޭގައި ދިރިއުޅޭ އެފިރިހެން މީހާ ބަރަހަނާ ވީޑިއޯއެއް ޓިކްޓޮކްގައި އާއްމުކޮށްފައި ވަނީ މި މަހުގެ 8 ވަނަ ދުވަހުއެވެ. އަދި އެމީހާ ހައްޔަރު ކޮށްފައިވަނީ މިމަހު 11 ވަނަ ދުވަހުއެވެ.
އެ މީހާ ހައްޔަރުކޮށްފައި ވަނީ ސޯޝަލް މީޑިއާގައި އެތައް ބަޔަކު އޭނާ ހައްޔަރުކުރަން ގޮވަމުންދާ ދަނޑިވަޅެއްގައެވެ.
ރާއްޖޭގެ ގާނޫނުލްއުގޫބާތުގައި ބުނާ ގޮތުން ޖިންސީ ގުނަވަން އެހެން މީހަކަށް ހާމަކުރުމަކީ ކުށެކެވެ.
