މާފުށި ޖަލަށް އެތެރެކުރަން އުޅުނު މޯބައިލް ފޯނުތަކެއް ހޯދާ ފުލުހުންގެ ބެލުމުގެ ދަށަށް ގެނެސްފިއެވެ.
ސީޕީ ހަމީދު ކުރެއްވި ޓްވީޓެއްގައި ވިދާޅުވީ އެއޮޕަރޭޝަން ކުރިއަށް ގެންގޮސްފައިވަނީ މިއަަދު ހެނދުނު ކަމަށެވެ. އެމައްސަލާގައި އެކަކު ހައްޔަރުކޮށްފައިވާ ކަމަށް ސީޕީ ވިދާޅުވިއެވެ.
އެމީހާ ހައްޔަރުކުރީ ޕޮލިސް އިންޓަލިޖެންސްއާ މާފުށީ ފުލުހުން އަދި ކަރެކްޝަންއާ ގުޅިގެން ހިންގި އޮޕަރޭޝަނެއްގައި އެރަށު ގޮނޑުދަށުން ކަމަށް ސީޕީ ވިދާޅުވިއެވެ.
ހައްޔަރުކުރި މީހާގެ އަތުން އަތުލި އެއްޗެހިތަކުގެ ތެރޭގައި 50 ސްމާޓް ފޯނާ، 42 ފީޗާ ފޯނާ، 109 ފޯނު ޗާޖަރާ، 77 ޔޫއެސްބީ ކޭބަސްގެ އިތުރުން 65 ހެޑްސެޓް ހިމެނެއެވެ.
އޭގެ އިތުރުން 49 ދިރާގު ސިމާ، 12 އުރީދޫ ސިމާ، 2 ޕެކެޓް ކަޓަރު ތިލައިގެ އިތުރުން އިރާކް ސްޓިކް އަދި އިތުރު ސާމާނު ވަނީ އަތުލާފައެވެ
ދޭތެރެ ދޭތެއިން ފުލުހުން އަދި ކަރެކްޝަނުން ހިންގާ މިފަދަ އޮޕަރޭޝަންތަކުގައި ޖަލުތަކަށް އެތެރެކުރަން މަސައްކަތް ކުރާ އެއްޗެހި ވަނީ ހޯދާފައެވެ.
