އެލައިޑް އިންޝުއަރަންސް ވެސް ކްލަބްހައުސްއާ ގުޅިއްޖެއެވެ.
އެލައިޑް ކްލަބް ހައުސްއާ ގުޅިފައިވާކަން ހާމަކޮށްފައި ވަނީ މިއަދު އާންމުކުރި ނޫސްބަޔާނެއްގައެވެ. އެލައިޑް އިން ބުނީ އެ ކުންފުނީގެ ކްލަބްހައުސް ޕްރޮގްރާމެއް އޮގަސްޓް 25، 2021 ވަނަ ދުވަހުގެ ރޭ 20:30 ގައި އޮންނާނެ ކަމަށެވެ.
"ރައްކާވެތިބިއްޔާ ދަތުރު" ގެ ނަމުގައި ކުރިޔަށް ގެންދާ މި ޕްރޮގްރާމް އޮންނާނީ ސީރީޒްއެއްގެ ގޮތުގައި ކަމަށް އެލައިޑުން ބުނެއެވެ. އަދި މި އިވެންޓްގެ ފުރަތަމަ ސެޝަން ހާއްސަ ކުރުމަށް ހަމަޖެހިފައި ވަނީ "ފަޔާ އިންށުއަރެންސް، ހީމް ކޮންޓެންޓް އަދި ކޮންޓްރެކްޓާސް އޯލް ރިސްކް' އަށް ކަމަށް ވެސް އެލައިޑުން ބުނެއެވެ.
އެލައިޑުން ކުރިޔަށް ގެންދާ ކްލަބްހައުް ފުރަތަމަ އިވެންޓުގައި އަލިއަޅުވާލަން ހަމަޖެހިފައި ވަނީ ގެދޮރާއި މުދަލުގެ ރައްކާތެރިކަން ފޯރުކޮށްދޭ އިންޝުއަރަންސް ހިދުމަތްތަކާއި ހިދުމަތްތައް ހޯދުމުގައި ބެލުން މުހިންމު ކަންކަމަށެވެ. އަދި މި ސެޝަންގައި ޕެނަލިސްޓުންގެ ގޮތުގައި ބައިވެރިވަނީ އެ ކުންފުނީގައި މަސައްކަތް ކުރާ އިންޝުއަރަންސް ތަޖުރިބާކާރުން ކަމަށްވެސް އެލައިޑުން މައުލޫމާތު ދެއެވެ.
މި އިވެންޓުގައި ގެސްޓް ސްޕީކާއެއްގެ ގޮތުގައި ގައުމީ ދިފާއީ ބާރުގެ ފަޔާ ޑިޕާޓްމަންޓުގެ އިސްވެރިއެއް ބައިވެރިވުމަށް ހަމަޖެހިފައި ވާކަމަށް އެލައިޑުން ބުނެއެވެ.
އެލައިޑުން ބުނީ އެ ކުންފުނިން ކުރިޔަށް ގެންދާ ކްލަބްހައުސް އިވެންޓްތަކުގައި ބައިވެރިވާން ބޭނުންވާ ކޮންމެ ފަރާތަކަށް ވެސް ބައިވެރިވެވޭނެ ކަމަށެވެ. އަދި އެ ކުންފުނިން ކުރިޔަށް ގެންދާ ކުލަބްހައުސް ފުރަތަމަ އިވެންޓުގައި ބައިވެރިވުމަށް ވެސް ވަނީ ދައުވަތު ދީފައެވެ.
ކްލަބް ހައުސްއަކީ މިފަހަކަށް އައިސް ދިވެހިންގެ ތެރޭގައި ވަރަށް މަޝްހޫރުވެފައިވާ ސޯޝަލްމީޑިއާ ޕްލެޓްފޯމެކެވެ.
