ރޭ މއ.އެމްޓޭޝަންގައި ހިނގި އަލިފާނުގެ ހާދިސާ އާއި ގުޅިގެން ވަގުތީ އެހީތެރިކަން ބޭނުންވި އާއިލާއަށް ރިލީފް އެހީގެ ގޮތުގައި 7800 ރުފިޔާ ވަނީ ހަމަޖައްސައިފާ ކަމަށް ނޭޝަނަލް ޑިޒާސްޓާ މެނޭޖުމަންޓު އޮތޯރިޓީ (އެންޑީއެމްއޭ) ބުނެފިއެެވެ.
އެންޑީއެމްއޭ އިން ބުނީ އެއީ އެ އާއިލާއަށް ބޭނުންވާ ވަގުތީ ބޯހިޔާވަހިކަމަށާއި، ކެއިން ބުއިން އަދި އައްނައުނު ހޯދުމަށް ކަމަށެވެ.
އެގޭގައި ހިނގި އަލިފާނުގެ ޙާދިސާއާ ބެހޭ ގޮތުން އެމްއެންޑީއެފުން ބުނީ، މއ. އެމްޓޭޝަން އިން ދުން އަރާތީ އެ މައުލޫމާތު ސިފަިއިންނަށް ރޭ 7:45 ހާއިރު ލިބިގެން އެ ސަރަހައްދަށް ސިފައިން ގޮސް ހަރަކާތްތެރި ވެފައިވާ ކަމަށެވެ. އަދި އެ ގޭގައި ރޯވި އަލިފާން ސިފައިން ވަނީ 19 މިނެޓް ތެރޭގައި ރޭ 8:04 ގައި ނިއްވާލާފައެވެ.
އެ ގޭގައި އަލިފާން ރޯވެފައި ވަނީ ކޮޓަރިއެއްގެ ތެރޭގައި ކަމަށް އެމްއެންޑީއެފުން ބުނެއެވެ. އެ ކޮޓަރީގައި ހުރި ބައެއް އަންނައުނާއި ގޮދަޑިއާއި ސޯފާގައި ރޯވެ އަނދާފައިވާ ކަމަށް އެމްއެންޑީއެފުން ބުނެއެވެ.
