ރ. އިނގުރައިދޫ ކަރަންޓީނުގައި ހުރި މީހަކު އެ ރަށު ޕޮލިސް ސްޓޭޝަނަށް ގެއްލުން ދީފި ކަމަށް ފުލުހުން ބުނެފިއެވެ.
ފުލުހުން ބުނީ އިނގުރައިދޫގައި ކަރަންޓީނުގައި ހުރި އުމުރުން 30 އަހަރުގެ ފިރިހެނަކު ކަރަންޓީނުގެ އުސޫލާ ހިލާފުވެ ބޭރަށް ނިކުމެފައި ވަނީ މިއަދުގެ ހަވީރުގެ ވަގުތެއްގައި ކަމަށެވެ.
ރ. އިންގުރައިދޫ ޕޮލިސް ސްޓޭޝަނަށް ގެއްލުން ދިން މައްސަލައިގާ އެ މީހާ ފުލުހުންގެ ބެލުމުގެ ދަށަށް ގެންގޮސްފައި ވާކަމަށް ވެސް ފުލުހުން ވަނީ ބުނެފައެވެ.
ކޮންކަމަކާ ގުޅިގެން ކުރި ކަމެއް ކަމެއް އަދި ޕޮލިސް ސްޓޭޝަނަށް ދީފައި ވަނީ ކިހާވަރެއްގެ ގެއްލުންތަކެއް ކަމެއް ފުލުހުން އަދި ހާމައެއް ނުކުރެއެވެ.
ކަރަންޓީނު އުސޫލާ ހިލާފުވުމުގެ ސަބަބުން އެ މީހާ ވަނީ 10،000 ރުފިޔާ އިން ޖޫރިމަނާ ވެސް ކޮށްފައެވެ.
ފުލުހުން މި މައްސަލަ ދަނީ ތަހުގީގު ކުރަމުންނެވެ.
އޭނާ ފުލުހުންދެކެ ވަރަށް ރުޅި އަންނާނެ.. ސަބަބަކީ އޭނާ ބުނާ ގޮތުންނަމަ އޭނާ ގައިގާ މީގެ ކުރިންވަނީ ތަޅާފަ އެބުނާ ދުވަހު ސްޓޭސަން ބޭރަށް އިވޭ ރޮމުން ހަޅޭލަވާ އަޑު އޭނާ މައިން ބަފައިން އެދުހު ބޭރުގަ ތިބެގެން ޖެހުނީ ރޯން އެތެރޭގަ ކުރާކަމެއް ނުފެންނާންނު (މަންޒަރު ދުންމީހުން ބުނާ ގޮތް).. މިއަދުވެސް އޭގެ ކަމެއް ވީ ކަމައްވަނީ އެތަނުގެ ކެމެރާ އަށް އަރާފަ އިންނާނެ އެކަމަކު ދެރަކަމަކީ އެމީހުންގެ އަމަލު ތަކުގެ ވާހަކައެއް ނޯންނާނެ... ބަދަލެއް ހިފީކަމައް ބެލެވެނީ