ރައްޔިތުން މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދަށް މެއި މަހު 6ގައި ދިން ޓެރަރިސްޓް ހަމަލާގައި ތުހުމަތުކުރެވޭ އެއްވެސް މީހެއްގެ ދިފާއީ ވަކީލަކަށް ތަހްގީގު މަރުހަލާގައި މަސައްކަތްކޮށްފަނުވާނެ ކަމަށް ލޯޔާ ޝަޒީމް ވަހީދު ވިދާޅުވެއްޖެއެވެ.
ޝަޒީމް އެހެން ވިދާޅުވީ ރައީސް ނަޝީދުގެ ކޮއްކޯފުޅު ނާޒިމް ސައްތާރު ކުރެއްވި ތުހުމަތުތައް ދޮގުކުރައްވަމުންނެވެ.
އެގޮތުން ނާޒިމް ސައްތާރު އިއްޔެ ކުރެއްވި ޓްވީޓެއްގައި ވިދާޅުވީ، ރައީސް ނަޝީދަށް ދިން ހަމަލައިގެ ތުހުމަތުވާ މީހުންގެ ވަކީލުންގެ ގޮތުގައި މުހައްމަދު ރާގިބްގެ ލީގަލް ޗެންބާސްގެ ވަކީލުން ކަމަށްވާ އާސިފްއާއި ޝަޒީމް، މަަސައްކަތް ކުރުމަކީ ކަންބޮޑުވާ ކަމެއް ކަމަށެވެ. އަދި ރާގިބްއަކީ ކުރިން ގާޒީ ކަމުން ވަކިކޮށްފައިވާ ބޭފުޅެއް ކަމަށާއި އޭނާއަކީ ރައީސް ނަޝީދާ ޒާތީ ގޮތުން ޖައްސައިލައިފާ ހުންނަ މީހެއްކަމަށް ވެސް ނާޒިމް ސައްތާރު ވަނީ ތުހުމަތު ކުރައްވައިފައެވެ.
އެ ތުހުމަތުތައް ދޮގުކުރައްވާ ޝަޒީލް ކުރެއްވި ޓްވީޓެއްގައި ވިދާޅުވީ ރައީސް ނަޝީދަށް ދިން ހަމާލާގައި ތުހުމަތުކުރެވޭ އެއްވެސް މީހެއްގެ ދިފާއީ ވަކީލަކަށް ތަހްގީގު މަރުހަލާގައި މަސައްކަތްކޮށްފާ ނުވާނެ ކަމަށާއި އަދި އެމައްސަލައިގައި ކްރިމިނަލް ކޯޓުގައި ވަކާލާތުކޮށްފައި ވެސް ނުވާނެ ކަމަށެވެ.
ޝަޒީމްގެ އިތުރުން ލޯޔާ އާސިފް ވެސް އެ ތުހުމަތުތަށް ދޮގު ކުރައްވާފައެވެ. އެގޮތުން ނާޒިމް ސައްތާރު ކުރެއްވި ޓްވީޓް ރީޓްވީޓް ކުރައްވާ އެއީ " ދޮގެއް"ކަމަށް އާސިފް ވިދާޅުވިއެވެ.
އެމީހުނަށްވެސް ވަކީލުން ލިބެން ޖެހޭނެނު. އެމީހުނަށްވެސް ވަކާލާތު ކުރުމުގެ ހައްގު ލިބެން ޖެހޭ. ހަމަ ހިފަހައްޓާ ބަހައްޓާފަ ހޫނ ކަލެއޭ މިކަން ކުރީ ކިޔާ ބަހައްޓާފަ ބުރީހަން ނެގޭތަ. އެއީތަ ކަލޭމެން ހޯދައިދޭން ބުނި އިންސާފު! ހުމާމުގެ ވަކީލުން ކޮބާ؟ ނުކެރުނު ދޯ އަނގަވެސް ހުޅުވަން ގަންނާކުރައްވާ ބިރުން. އަނިޔާވެރީ ކޮންބައެއްކަން ފެނޭނު އެބަ.