ފިރިހެނުންނަކީ ރޮބޮޓުންތަކެއް ނޫން ކަމަށާ، ނިވާކަން ކުޑަ ހެދުމުގައި އަންހެނުން ފެނުމުން، އެކަމުގެ އަސަރު ފިރިހެނުންނަށް ކުރާނެ ކަމަށް، ޕާކިސްތާނުގެ ބޮޑުވަޒީރު އިމްރާން ހާން ވިދާޅުވެއްޖެއެވެ.
ޖިންސީ ގޯނާގެ މައްސަލަތަކުގެ ޒިންމާ އުފުލަން ޖެހޭ ބަޔަކީ އަންހެނުންކަން ދޭހަވާފަދަ މޭރުމަކުން ޕާކިސްތާނުގެ ބޮޑުވަޒީރު ވާހަކަފުޅު ދެއްކެވުމާއެކު، ބޮޑެތި ފާޑުކިއުންތަކެއްވެސް ވަނީ އަމާޒު ވާން ފަށާފައެވެ.
އެޗްބީއޯގެ ޕްރޮގްރާމަކަށް މި ރޫހުގައި ދެއްވި ބަސްދީގަތުމެއްގައި ވާހަކަފުޅު ކުރިއަށް ގެންދަވަމުން އިމްރާން ވިދާޅުވީ، މިއީ ސަގާފީ އިސްތިއުމާރީ އަޅުވެތިކަމެއް ކަމަށެވެ. އަދި ޕާކިސްތާނުގެ ސަގާފަތުން ބަލައިގަންނަ ކޮންމެ ކަމަކީ، އެހެން ހިސާބުތަކުންވެސް ބަލައިގަންނަން ޖެހޭނެ ކަމެއް ކަމަށާ، ނަމަވެސް އެކަން އޮތީ އެހެން ނޫން ކަމަށްވެސް އިމްރާން ވިދާޅުވިއެވެ.
މިއަހަރުގެ ކުރީކޮޅު، ޖިއޯ ނިއުސްއަށް ދެއްވި ބަސްދީގަތުމެއްގައި ވެސް އިމްރާން ވަނީ މިފަދަ ރޫހެއްގައި ވާހަކަފުޅު ދައްކަވާފައެވެ. އެފަހަރުވެސް އިމްރާން ވަނީ، ޖިންސީ ގޯނާއަކީ، ނިވާކަން ކުޑަވުމުގެ ސަބަބުން އުފެދޭ ކަމެއް ކަމަށް ސިފަކުރައްވާ، އެއީ ހުޅަނގުން އިމްޕޯޓް ކުރި ކަމެއް ކަމަށް ވިދާޅުވެފައެވެ.
އިމްރާންގެ މިފަދަ ވާހަކަފުޅުތަކާ ގުޅިގެން ޕާކިސްތާނުގެ އިދިކޮޅު ސިޔާސީ ފަރާތްތަކާ، ބައެއް ނޫސްވެރިންވެސް ދަނީ، މިކަމާ ދެކޮޅަށް، ސޯޝަލް މީޑިއާގައި ޝުއޫރު ފާޅު ކުރަމުންނެވެ. ޕާކިސްތާނުގައި ހިންގާ ޖިންސީ ގޯނާގެ ޖަރީމާގައި އަނިޔާ ލިބޭ މީހަކީ ކުށްވެރި ވާ މީހާކަން ދޭހަވާފަދަ މޭރުމަކުން އިމްރާން ވާހަކަ ދެއްކެވި ކަމަށް، އިންޓަނޭޝަނަލް ކޮމިޝަން އޮފް ޖޫރިސްޓްސްގެ ގާނޫނީ ތަޖުރިބާކާރެއް ކަމަށްވާ ރީމާ އުމަރު ވަނީ ސިފަކުރައްވާފައެވެ.
ތިނޫނިއްޔާ ރަނގަޅު ވާހަކަ އެއް ދެއްކި މީހަކު ނެތް. މިހާރު މިއުޅޭ އަންހެނުން އިލާހީ ގާނޫނާ ހިލާފަށް ހެއްދެވިފަރާތުން އެންގެވި ގޮތާހިލާފަށް މަގުމަތީގައި އޮރިޔާމުން އުޅެފަ މިބުނަނީ އަންހެނުންގެ ހައްގުތަކޭ. އަންހެނުން ހައްގުތައް ހިމާޔަތް ކުރެވި އިއްޒަތް ލިބިގެންވާ ބައެއްގެ ގޮތުގައި ތިބެވޭނީ ނިވާވެގެން ގޭގައި ތިބެގެން. މިހާރު އަންހެނުންގެ ހައްގުތަކަށް ފިރިހެނުން އަރައިގަތުމުގެ ކުރިން ފިރިހެނުންގެ ހައްގުތަކަށް އަރައިގަންނަނީ އަންހެނުން. ސަބަބަކީ ﷲ އަންހެނުންނާއި ފިރިހެނުން ހައްދަވާފައި ވަނީ އެއްބަޔަކު އަނެއްބަޔަކު ފެނުމުން އަދި ހިތައް ގެނުވުމުން ހިތުގައި އެދުންވެރިކަން އުފެދޭ ގޮތައް. ކަން މިހެން އޮތް އިރުގަ ގަސްތުގަ ފިރިހެނުންނަށް ގޯނާކުރުމުގެ ގޮތުން މަގުމަތިގައި އޮރިޔާން ހާލުގަ އުޅެ އުޅުން އެއީ އަންހެނުން ފިރިހެނުންގެ ހައްގުތަކަށް އަރައިގަތުމާއި ފިރިހެނުންގެ ކަރާމާތަށް ހުރުމަތްތެރިކޮއްނުހިތުން ކަމުގައި ބެލެވޭކަމެއް. އަދި މިކަމުގެ ސަބަބުން ދެން ނިކުންނަ ނުރައްކާތެރި ކަންތައްތަކަށް ހަމައެކަނި ކެތްތެރި ވާންވީ ފިރިހެނުންތޯ؟ އިލާހީ ގާނޫނާ އެއްގޮތަށް އުޅޭ މުޖުތަމައުތަކުގަ ﷲ ހަރާމް ކުރެއްވި ކަންތައްތަކާ އިންސާނުން ދުރުހެލިވާނެ. އަދި އިލާހީ ގާނޫނާ ހިލާފައް އިންސާނުން އުޅޭ ތަނެއްގައި ނޯންނާނެ ހަމައެއްލަމައެއް. އަދި އެކަހަލަތަނެއްގައި އިންސާނުން ކުރަމުން ގެންދާ ހަރާމް ކަންތަކެއް ނުވެސް ހުއްޓުވޭނެ ސަބަބަކީ ކުއްކުރާ ހިއުމަން ރައިޓްސް އާއި ދެކޮޅަށް މީހުންނަށް އަދަބު ނުދެވޭނެތީވެ. އެންމެ ބޮޑަށް އިލާހީ ގާނޫނާ ހިލާފު ވުމަކީ އިންސާނުން ކުރާ ހަރާމް ކަންތަކަށް އަދަބު ނުދެވުން. ވަﷲއަޢުލަމް. މހއމދ.