5955 ދަރިވަރުންނާއެކު މޭ 2، 2021 އިން ޖޫން 11، 2021 ގެ ނިޔަލަށް ބޭއްވި ސާނަވީ އިމްތިހާނުތައް ކާމިޔާބުކަމާއެކު ނިންމާލެވިފައި ވާކަމަށް އެޑިއުކޭޝަން މިނިސްޓްރީން ބުނެފިއެވެ.
އެޑިއުކޭޝަން މިނިސްޓްރީން ބުނީ މިއަހަރުގެ ސާނަވީ ނިންމާ އިމްތިހާނު 234 ސެންޓަރެއްގައި ކުރިޔަށް ގެންގޮސްފައިވާ ކަމަށެވެ. އަދި ކޮވިޑްގެ މި ދަތި ވަގުތުގައި އާދަޔާހިލާފު ހިތްވަރެއް ދެއްކި ދަރިވަރުންގެ ހިތްވަރާ ކެތްތެރިކަމާ ނުގުޑާފަދަ އަޒުމަށް އެޑިއުކޭޝަން މިނިސްޓްރީން ވަނީ އައްސަރިބަހާ ސާބަސް ކިޔާފައެވެ.
މި ދަތި ދަނޑިވަޅުގައި އިމްތިހާނުގެ ކަންކަން އިންތިޒާމުކޮށް ތަންފީޒު ކުރުމުގައި ޑިޕާޓްމަންޓްއޮފް ޕަބްލިކް އެގްޒޭމިނޭޝަންސް ގެ ހީވާގި މުވައްޒަފުން ވެވަޑައިގެންނެވި ޤުރުބާނީ ފާހަގަކޮށް ޑީޕީއީ ގެ ހީވާގި މުވައްޒަފުންނަށް އެޑިއުކޭޝަން މިނިސްޓްރީން ވަނީ މަރުޙަބާއާއި ޝުކުރު ދަންނަވާފައެވެ.
އަދި ސްކޫލްތަކުގެ ވެރިންނާއި މުވައްޒަފުން އަދި ވަކިން ހާއްސަކޮށް މުދައްރިސުންނަށާ މިނިސްޓްރީގެ އެކިއެކި ޑިވިޝަންތަކުން އިމްތިހާނުގެ ކަންކަމުގައި ހަރަކާތްތެރިވި ހުރިހާ މުވައްޒަފުންނަށްވެސް ވަނީ ޝުކުރު އަދާކޮށްފައެވެ.
މިނިސްޓްރީން ވަނީ އިމްތިހާނު ހެދި ދަރިވަރުންނަށް ރައްކާތެރިކަމާ ކާމިޔާބީއަށް އެދިފައެވެ. އަދި ޖުމުލަކޮށް އިމްތިހާނުގެ ކަންކަމުގައި ޝާމިލުވި ހުރިހާ ފަރާތްތަކަށް ވެސް މިނިސްޓްރީން ވަނީ ޝުކުރު އަދާކޮށްފައެވެ.
ކޮޔާ އާސަތާ މިގައުމުގެ ޅަދަރިންގެ ކިޔެވުން ފުޑާލާފި ކޮޔާ ބަލަ ޑެބެއް ލެބެއް ފައިސްލެއް ލިބުނީކީނޫން ކަޔާއިސްތުފާދިފާއި ހިލާލީގެއައް ބަދަލުވޭ ނުވަތަ ނަށާތާަކަން ބަޗާ ހުރިހާ ދަރުވަރުންވީހަލާކު ޕޭޕަރުވީ ފަނާ؟ ޢައިސާވީއިސްތިއުފާ؟؟
ދެން ތަ އަންނަގަ މި ގޮނޑި އަށް. ޢާސަތު އެކުރާވަރު ވޭތޯ ބަލަން. މިހާދަތި ދުވަސްވަރެއްގަ. ޝުކްރިއްޔާ މެޑަމް އައިޝް. ތިކުރައްވާ ބުރަމަސައްކަތަށް.