އެމްއެންޑީއެފްގެ އިސްތަރުޖަމާނު، މޭޖާ އިބްރާހިމް އާޒިމް ކޮވިޑް-19 އަށް ޕޮޒިޓިވް ވެއްޖެއެވެ.
މޭޖާ އާޒިމް ކޮވިޑަށް ޕޮޒިޓިވް ވެފައި ވާކަން އޭނާވަނީ ފޭސްބުކްގައި ހާމަ ކުރައްވާފައެވެ. އެ ޕޯސްޓުގައި މޭޖާ އާޒިމް ވަނީ ކޮވިޑަށް ޕޮޒިޓިވް ވެފައި ވަނީ އިއްޔެ ކަމަށް ވިދާޅުވެފައެވެ.
ކޮވިޑް ކޭސްތައް ދުވަހުން ދުވަހަށް އިތުރުވަމުން ދާއިރު އިއްޔެ 741 މީހަކު ވަނީ ކޮވިޑަށް ޕޮޒިޓިވް ވެފައެވެ. އިއްޔެ ޕޮޒިޓިވް ވި މީހުންގެ ތެރޭގައި ހިމެނެނީ މާލެ ސަރަހައްދުން ޕޮޒިޓިވް ވި 560 މީހަކާއި، ހިންގަމުން ދާ ރިސޯޓުތަކުން 25 މީހަކާއި މީހުން ދިރިއުޅޭ ރަށްރަށުން ޕޮޒިޓިވްވި 156 މީހެކެވެ.
ކޮވިޑް އެކްޓިވް ކޭސްގެ އަދަދު ވަނީ 15،958 އަށް އަރާފައެވެ. ހޮސްޕިޓަލުގައި އެޑްމިޓް ކޮށްފައިވާ މީހުންގެ އަދަދު 262 އަށް އަރާފައިވާއިރު ކޮވިޑް މަރުގެ ޖުމްލަ އަދަދު ވަނީ 100 އަށް އަރާފައެވެ. ޕޮޒިޓިވްވި މީހުންގެ ޖުމްލަ އަދަދު 44،523 އަށް އަރާފައި ވާއިރު ބަލިން ރަނގަޅުވި މީީހުންގެ ޖުމްލަ އަދަދު 28،459 އަށް ވަނީ އަރާފައެވެ.
