ލ. ގަމު ފަޅުގައި އޮތް ފުލުހުންގެ ލޯންޗެއްގައި ރޯކޮށްލި މައްސަލައިގައި ތުހުމަތު ކުރެވޭ މޫސާ އިނާސްގެ ބަންދާ މެދު ގޮތެއް ނިންމުމަށް ބޭއްވި ޝަރީއަތުގައި އޭނާ ބަންދުން ދޫކޮށްލަން ޖެހޭ ސަބަބެއް ނެތް ކަމަށް ނިންމައިފިއެވެ.
ޝަރީއަތް ނިމެންދެން ބަންދުކޮށްފައި ހުރި އިނާޒުގެ ބަންދާ ގުޅޭ ގޮތުން މިއަދު ކުރިމިނަލް ކޯޓުގައި ބޭއްވި ޝަރީއަތުގައި ދައުލަތުން ބުނީ އިނާސަކީ ޖިނާއީ ބޮޑު ކުށަކަށް ތުހުމަތުވާ މީހެއް ކަމަށާ އަދި ހެއްކަށް ނުފޫޒު ފޯރުވާނެ ކަމަށް ވެސް ތުހުމަތު ކުރެވޭ މީހެއް ކަމަށެވެ. އެހެންކަމުން މުޖުތަމައުގެ ރައްކަލަށްޓަކައި އޭނާ ބަންދުގައި ބަހައްޓަން ޖެހޭ ކަމަށް ދައުލަތުން ބުނެއެވެ.
މޫސާ އިނާސްގެ ވަކީލު ވަނީ އިނާޒު ހެއްކަށް ނުފޫޒު ފޯރުވަފާނެ ކަމަށް ދައުލަތުން ކުރާ ތުހުމަތުތަކަށް އިންކާރު ކޮށްފައެވެ. 27 ހެކިވެރިއެއް އިނާސާ ދެކޮޅަށް ހެކިބަސް ދޭން ތިބ އިރު އެ އެންމެން ހޯދައިގެން އެ މީހުންނަށް ނުފޫޒުފޯރުވައި ބިރު ދެއްކުމަކީ އިނާސަށް ކުރެވޭނެ ކަމެއް ނޫން ކަމަށް އިނާސްގެ ވަކީލު ބުނެއެވެ.
ބަންދުގައި އޭނާ ބަހައްޓަން ޖެހޭ ކަމަށް ދައުލަތުން ބުނުމުން އިނާސް ބުނީ، އޭނާއަކީ އުމުރުން 16 އަހަރުން ފެށިގެން އާތްރައިޓްސް ހުންނަ މީހެއް ކަމަށާއި ފިނި އަށްޓެއްގައި ނިދަން ޖެހޭތީ އޭނާގެ ބަލި ބޮޑުވެ ހުޅު ހުޅުގައި ރިއްސުމާއި، ސިއްހީ ހާލަތު ދަށްވެފައިވާ ކަމަށެވެ. ހަމައެއާއެކު ބޭސްފަރުވާއަށް ޖަލުގައި އެކަށީގެންވާ އަހައްމިއްޔަތު ކަމެއް ނުދޭ ކަމަށް އޭނާ ބުނެއެވެ. އަދި ޖަލުގައި ކާންދޭ ތަކެއްޗާއި ގޮޅީގައި އަލިކަމެއް ނުހުންނާތީ އިނާސް ޝަކުވާ ކުރިއެވެ. ކަން މިހެން ހުރުމުން އޭނާ ބަންދުން ދޫކޮށްލުމަށާއި ބޭސްފަރުވާގެ ކަންކަން ހަމަޖައްސައި ދިނުމުގެ އިތުރުން ނިދާނެ ގޮދަޑިއެއް ހަމަޖެއްސުމަށް މޫސާ އިނާސް އެދުނެވެ.
ނަމަވެސް މީގެ ކުރިން މުސާ އިނާސްގެ ފަރާތުން އެފަދަ ޝަކުވާއެއް ހުށަހަޅާފައި ނުވާ ކަމަށް ދައުލަތުން ބުނެއެވެ. ނަމަވެސް އެކަންކަން ބަލައިދޭނެ ކަމަށްވެސް ދައުލަތުން ބުނެއެވެ.
ދެ ފަރާތުގެ ވާހަކަ އަޑުއެއްސެވުމަށް ފަހު މައްސަލަ ބެއްލެވި ގާޒީ ސޮފްވަތު ހަބީބު ނިންމެވީ، މޫސާ އިނާސް ބަންދުން ދޫކޮށްލަން ޖެހޭ ސަބަބެއް ނެތް ކަމަށެވެ. ޝަރީއަތް ނިންމަވާލައްވަމުން ގާޒީ ވަނީ އަންނަ މަހު އެ މައްސަލައިގެ އިބްތިދާއީ އަޑުހުން ފައްޓަވައި، ޝަރީއަތުގެ ތާވަލް ހައްދަވާނެ ކަމަށް ވިދާޅުވެފައެވެ.
ލ. ގަމު ތުނޑީ އަވަށު ބަނދަރުގައި އޮތް ފުލުހުންގެ ލޯންޗެއްގައި ރޯކޮށްލީ މިދިޔަ އަހަރު މާޗު 22 ވަނަ ދުވަހުގެ ރޭ ފަތިހުގެ ވަގުތެއްގައެވެ. އެ ލޯންޗު ބޭނުން ނުކުރެވޭ ވަރަށް އެނދާފައި ވާއިރު އެ ހާދިސާގައި އެއްވެސް މީހަކަށް ގެއްލުން ވެފައެއް ނުވެއެވެ. ފުލުހުން ބުނެފައި ވަނީ ފުލުހުންގެ ލޯންޗު ރޯކޮށްލާފައި ވަނީ ބަދަލު ހިފުމުގެ ބޭނުމެއްގައި ކަމަށެވެ. ނަމަވެސް އެއީ ކޮންކަމަކާ ބަދަލު ހިފަން ކަމެއް ފުލުހުން ހާމަ ކޮށްފައެއް ނުވެއެވެ.
އެވަރު މީހުން ތިޔަ ކަހަލަ ބޮޑެތި ޖަރީމާ ހިންގަނީ. ތިވެސް ޖިހާދުތަ.؟ އިސްލާމް ދީނަކީ ތިޔަފަދަ ޖަރީމާ ހިންގުމަށް ހުއްދަދޭ ދީނެއްނޫން. ކޮން ޔުނިވަރ ސިޓީއަކުން ކިޔަވައިގެން ތިއުޅެނީ. އާނ ފަހެ ޖިހާދަށޭ ކިޔާފަ މުސްކުޅި މައިން ބަފައިންނާ ކުޑަކުޑަ ދެތިން ދަރިންނާ ހާލުގަ ޖައްސާފަ ބޭރު ކަރަކަރާގަ ހިނގާ ޝިޔައީ ހަނގުރާމަ ތަކަށް ގޮސް ޝަހީދު ވެވޭ ކަމެއް އިސްލާމް ދީނެއްގަ ނޯވޭ.