ޑީއެންއޭގެ ނަތީޖާއަށް ބަލައިގެން ޒިނޭ ސާބިތު ނުކުރެވޭނެ ކަމަށް ކުރި ހުކުމަކާ ގުޅިގެން ޕްރޮސެކިއުޓާ ޖެނެރަލް ހުސައިން ޝަމީމް މިއަދު ލިޔުއްވި ލިޔުއްވުމަށް އިސްލާމިކް މިނިސްޓްރީން ރައްދު ދީފިއެވެ.
ޒިނޭ ކޮށްގެން ލިބޭ ކުއްޖެއްގެ ޑީއެންއޭ މީހަކާ ދިމާވި ނަމަވެސް, އިސްލާމީ ޝަރީއަތުގައި އެއީ އެމީހަކު ޒިނޭ ކުރިކަން ސާބިތު ކުރެވޭނެ ހެއްކެއް ނޫން ކަމަށް ދާދި ފަހުން ހައިކޯޓުން ކުރި ހުކުމަކާ ގުޅިގެން ޝަމީމް ވަނީ، އޭނާގެ ބްލޮގްގައި އެކަމާ ގުޅޭގޮތުން ވާހަކަ ދައްކަވާފައެވެ.
އެގޮތުން ދެ ބާވަތެއްގެ ޒިނޭ ގާނޫނުލްއުގޫބާތުގައި ބަޔާން ކޮށްފައި ވާކަން ފާހަގަ ކުރައްވާ ޝަމީމް ވިދާޅުވީ ޝަރުއީ ޒިނޭ ސާބިތު ކުރެވޭނީ އިސްލާމީ ޝަރީއަތުގައި ކަނޑައަޅާފައި ވާ މިންގަނޑުތަކުން ކަމަށެވެ.
އެކަމާ ގުޅިގެން އިސްލާމިކް މިނިސްޓްރީން ކުރި ޓްވީޓެއްގައި ބުނީ އިސްލާމްދީނުގައި ބޭނުން ކުރަމުން ދާ ޝަރުއީ ލަފްޒުތައް ބޭނުން ކުރަންވާނީ ޝަރުއުގައި އެ ލަފްޒުތައް ބޭނުން ކުރަމުން ދާ ގޮތަށް ކަމަށެވެ. އަދި ގާނޫނީ ގޮތުން ވެސް މިފަދަ ޝަރުއީ ލަފްޒުތައް ބޭނުން ކުރަމުން ދަނީ ޝަރުއުގައި ވާ ގޮތަށް ކަމަށް ވެސް މިނިސްޓްރީން ވަނީ ބުނެފައެވެ.
މިނިސްޓްރީން ވަނީ މިސާލެއްގެ ގޮތުގައި ޒިނޭ ވާނީ ޒިނޭ އަށް ކަމަށާއި ކައިވެނި ވާނީ ކައިވެންޏަށް އަދި ލިވާތު ވާނީ ލިވާތަށް ކަމަށް ބުނެފައެވެ.
މިނިސްޓްރީން ބުނީ އިސްލާމްދީނަކީ ރާއްޖޭގެ ގާނޫނުގެ މައިގަނޑު މަސްދަރު ކަމަށް ވެފައި، މިފަދަ ޝަރުއީ ލަފްޒުތަކުގެ ޝަރުއީ މަފްހޫމް ގެއްލޭނެ ފަދައިން ބޭނުން ކުރުމަކީ ޝަރުއީ މިންގަނޑުތަކާއި ދިވެހިރާއްޖޭގެ ގާނޫނު އަސާސީއާ ހިލާފު ކަމެއް ކަމެއް ކަމަށެވެ. އެހެން ވުމުން ޝަރުއީ ލަފްޒުތައް ބޭނުން ކުރަން ވާނީ ޝަރުއުގައި އެ ކަމެއް ބޭނުން ކުރުމަށް އޮންނަ ގޮތަށް ކަމަށް މިނިސްޓްރީން ވަނީ ބުނެފައެވެ.
ޝަމީމު ވަނީ ކުށް ސާބިތު ކުރުމުގެ މިންގަނޑު ދަށްކޮށް ގާނޫނީ ޒިނޭގެ ވާހަކަ ވެސް ގާނޫނުލްއުގޫބާތުގައި ބަޔާން ކޮށްފައި ވާކަން ފާހަގަ ކުރާއްވާފައެވެ.
އެގޮތުން ޝަމީމް ވިދާޅުވީ ހަމަހަމަކަމާ އިންސާފު ގާއިމު ކުރުމަށް ތައުޒީރީ އަދަބު ކަނޑައެޅޭ (އިސްލާމްދީނުގައި ހައްދު ނުހުންނަ) އިތުރު ކުށް ގާނޫނުގައި ލިޔެ އަދަބު ކަނޑައެޅުމަކީ އިސްލާމީ ޝަރީއަތް ވެސް ހުއްދަ ކުރާ ކަމެއް ކަމަށެވެ.
"ގާނޫނީ ޒިނޭ" ގައި އެމީހަކު ކުށަށް އިންކާރު ކުރާ ހާލަތްތަކުގައި ވެސް އެހެނިހެން ހެކީގެ މައްޗަށް ކުށް ސާބިތު ކުރުމުގެ ފުރުސަތު ލިބިގެން ދާކަން ފާހަގަ ކުރައްވާ ޝަމީމް ވިދާޅުވީ އޭގެ ތެރޭގައި ޑީއެންއޭ ފަދަ ހެކި، ގަރީނާ ހިމެނޭ ކަމަށެވެ.
ޝަމީމްގެ މި ލިޔުމާ ގުޅިގެން ގިނަ ބައެއްގެ ފާޑު ކިޔުން ވަނީ އަޒާމޒުވެފައެވެ.
ކީއްވެތޯ ފިރިހެނާ ލައްވާ ހުވާ ނުކުރުވީ؟ "އަންހެންމީހާ ހަދަނީ ތެދުތޯ ނޫނީ ދޮގުތޯ"
ލާދީނީ މީހުން ތިއީ ހައްތާވެސް....މޯލްޑިވްސް ވަގު ބޭންކުން ހައްގު ފައިސާ އޮހޭނެ....ބައެއް ނޫސް ތަކުގަ ކޮމެންޓް ނުކުރެވޭ ގޮތް ހަދާފައޮތީ....ވަގު ބޭންކުން ނޫސްތައް ގެންދަނީ ގަންނަމުން.