މިއަދު މ އަތޮޅު ފަޅަކަށް ސްނޯކްލިންއަށް ފޭބި މީހަކު ގެއްލިގެން ހޯދަން ފަށައިފިއެވެ.
އެމްއެންޑީއެފުން ބުނީ 3 މީހުންނާއެކު ސްނޯކްލިން އަށް މ. މެދުފުށި ކައިރީ ފަޅުތެރެއަށް ދިޔަ މީހުންގެ ތެރެއިން އެކަކު ގެއްލިގެން ރިޕޯޓުކޮށްފައި ވާ ކަމަށެވެ. އަދި އެމްއެންޑީއެފް ސެންޓްރަލް އޭރިއާ ކޮމާންޑުން އެމީހާ ހޯދުމުގެ މަސައްކަތް ކުރަމުންދާ ކަމަށް ވަނީ ބުނެފައެވެ.
ސްނޯކްލިންއަށް ފައިބާފައި ވަނީ ތިން ދިވެހި ފިރިހެނުން ކަމަށް އެމްއެންޑީއެފުން މައުލޫމާތުދެއެވެ.
އެހާދިސާގެ ރިޕޯޓު ލިބިފައިވަނީ މިރޭ 7:55 ހާއިރު ކަމަށް އެމްއެންޑީއެފުން ވަނީ ބުނެފައެވެ.
ޑައިވިން އަށް ދާ މީހުން ގެއްލުމާއި ފަތުރުވެރިން މީހުން މަރުވުމުގެ ހާދިސާތައް ހިނގަމުންދާ މިންވަރު ރާއްޖޭގައި މިހާރަކަށް އައިސް ގިނަކަން ވަނީ ފާހަގަ ކުރެވިފައެވެ.
