ގދ. ތިނަދޫން މާލެ ދަތުރުކުރާ ބޯޓެއް ކަަމަށްވާ ' ދެރަހަ' ބޯޓުން އިތުރު މީހަކު ކޮވިޑް-19 އަށް ޕޮޒިޓިވް ވެއްޖެއެވެ.
'ދ ޕްރެސް' އަށް މައުލޫމާތު ދެއްވަމުން ތިންދޫ ކައުންސިލްގެ ރައީސް އަލީ އަމްޖަދު ވިދާޅުވީ ޕޮޒިޓިވްވެފައިވަނީ އެބޯޓުގައި މަސައްކަތް ކުރާ ބަންގްލަދޭޝް މީހެއް ކަމަށެވެ. އަދި އެމީހާގެ ނަތީޖާ އައިސްފައިވަނީ ރޭގެ ވަގުތެއްގައި ކަމަށް އަމްޖަދު ވަނީ ވިދާޅުވެފައެވެ.
މިއީ 'ދެރަހަ' ބޯޓުން ފޮޒިޓިވްވި ދެވަނަ މީހާއަށް ވާއިރު އެބޯޓުން ޕޮޒިޓިވްވި ފުރަތަމަ މީހާ ކޮވިޑަށް ޓެސްޓުކޮށްފައިވަނީ އަލާމާތްތައް ފެނިގެންނެވެ. އަދި ރޭ ޕޮޒިޓިވް ވި މީހާއަކީ ފުރަތަމަ ކޭސް އާ ގުޅިގެން ކޮންޓެކްޓް ޓްރޭސިންގެ ތެރެއިން ޓެސްޓުކުރެވުނު މީހެކެވެ. އަމްޖަދު ވިދާޅުވި ގޮތުގައި ދެވަނަ އަށް ފޮޒިޓިވްވި މީހާގެ ފަރާތުން އެއްވެސް އަލާމާތެއް ފެނިފައި ނުވާ ކަމަށެވެ.
ތިނަދޫ މިވަގުތު އޮތީ މޮނީޓަރިންގެ ހާލަތުގައެވެ.
ރާއްޖޭގައި ހަލުވި ކަމާއެކު ކޮވިޑު ފެތުރެމުން ދާއިރު އިއްޔެ ވެސް ކޮވިޑަށް ވަނީ 137 މީހަކު ޕޮޒިޓިވް ވެފައެވެ. އޭގެ ތެރޭގައި ހިމެނެނީ ތެރޭގައި ހިމެނެނީ މާލެ ސަރަހައްދުން ޕޮޒިޓިވް ވި 129 މީހަކާއި އަތޮޅުތެރެއިން ޕޮޒިޓިވް ވި 8 މީހުންނެވެ.
ޖުމްލަ އަދަދު މިހާރު ވަނީ 7804 އަށް އަރާފައެވެ. އޭގެ ތެރެއިން 5155 މީހަކު ރަނގަޅުވެފައި ވާއިރު، ފަރުވާ ދެމުންދާ މީހުންގެ އަދަދު 2615 އަށް ވަނީ އަރާފައެވެ.
