ސިވިއާ އެކިއުޓް ރެސްޕިރޭޓަރީ ސިންޑްރޯމް ކޮރޯނާވައިރަސް 2 (ސާސްކޯވް-2) އިން ޖައްސާ، ކޮރޯނާވައިރަސް ޑިޒީޒް (ކޮވިޑް-19) އަށް، ދުނިޔޭގެ އެކި ކަންކޮޅުތަކުން 20 މިލިއަނަށްވުރެ ގިނަ މީހުން ޕޮޒިޓިވްވެއްޖެއެވެ.
ލިބިފައިވާ އެންމެ ފަހުގެ ތަފާސް ހިސާބުތަކަށް ބަލާއިރު، މިހާތަނަށް ޖުމުލަ 20024263 މީހަކު ވަނީ ކޮވިޑް-19އަށް ޕޮޒިޓިވްވެފައެވެ.
ސާކް ސަރަހައްދުގެ ހާލަތު
ދިވެހިރާއްޖެ ހިމެނޭ ދެކުނު އޭޝިއާ (ސާކް) ސަރަހައްދުގެ ގައުމުތަކަށް ބަލާއިރު ކޮވިޑް-19ގެ ނުރައްކާ އެންމެ ބޮޑުވެފައިވަނީ އަވަށްޓެރި އިންޑިއާގައެވެ. ދުނިޔޭގެ ނިސްބަތުން ބަލާއިރުވެސް 3 ވަނައަށް އެންމެ ގިނަ އަދަދަކަށް ކޭސް ރެކޯޑް ކުރަމުންދަނީ އިންޑިއާއިންނެވެ.
ފަހުގެ ރެކޯޑްތަކަށް ބަލާއިރު އިންޑިއާއިން ވަނީ ފާއިތުވީ 24 ގަޑިއިރުގެ ތެރޭގައި 62117 ކޭސް ރެކޯޑް ކޮށްފައެވެ.
- އިންޑިއާ: 2214137 ޖުމުލަ ކޭސް | 635393 އެކްޓިވް ކޭސް
- ޕާކިސްތާން: 284121 ޖުމުލަ ކޭސް | 17791 އެކްޓިވް ކޭސް
- ބަންގްލަދޭޝް: 257600 ޖުމުލަ ކޭސް | 105831 އެކްޓިވް ކޭސް
- އަފްގާނިސްތާން: 37054 ޖުމުލަ ކޭސް | 9782 އެކްޓިވް ކޭސް
- ނޭޕާލް: 22972 ޖުމުލަ ކޭސް | 6544 އެކްޓިވް ކޭސް
- ދިވެހިރާއްޖެ: 5041 ޖުމުލަ ކޭސް | 2218 އެކްޓިވް ކޭސް
- ސްރީލަންކާ: 2844 ޖުމުލަ ކޭސް | 2579 އެކްޓިވް ކޭސް
- ބޫޓާން: 108 ޖުމުލަ ކޭސް | 12 އެކްޓިވް ކޭސް
ދުނިޔޭގެ ހާލަތު
ދުނިޔޭގެ ނިސްބަތުން ބަލާއިރު ދިވެހިރާއްޖެއިން ކޭސް ރެކޯޑް ކުރަމުންދަނީ 102 ވަނަ ރޭންކިންގްގައެވެ. ރާއްޖެއިން މި ބަލި ޖެހުނު މީހުންގެ އަދަދު ރޭގެ ވަގުތެއްގައި 5000 ގެ ފާހަގަ ހުރަސް ކުރިއިރު، ޝިފާ ލިބި ރަނގަޅު ވި މީހުންގެ އަދަދު ވަނީ 2804 އަށް އަރާފައެވެ. މި ބަލީގައި ރާއްޖެއިން މަރުވި މީހުންގެ އަދަދު 19 އަށް އަރައެވެ.
ރާއްޖޭގެ އާބާދީއަކީ 541526 ކަމަށް ބަލައިގެން، ވޯލްޑޯމީޓާއިން އެކުލަވާލާފައިވާ ތަފާސް ހިސާބުތަކަށް ބަލާއިރު، ރާއްޖެއިން ކޮވިޑް-19އަށް ޕޮޒިޓިވްވި މީހުންގެ ނިސްބަތަކީ ކޮންމެ 1 މިލިއަން މީހަކަށް 9309 ކޭހެވެ. މިއީ ދުނިޔޭގެ ނިސްބަތުން ބަލާއިރު 19 ވަނަ އެވެ.
އެންމެ ގިނަ އަދަދަކަށް ކޭސް ރެކޯޑް ކޮށްފައިވާ ގައުމުތައް
- އެމެރިކާ: 5199444 ޖުމުލަ ކޭސް | 2369126 އެކްޓިވް ކޭސް
- ބްރެޒިލް: 3035582 ޖުމުލަ ކޭސް | 815986 އެކްޓިވް ކޭސް
- އިންޑިއާ: 2214137 ޖުމުލަ ކޭސް | 635393 އެކްޓިވް ކޭސް
- ރަޝިއާ: 887536 ޖުމުލަ ކޭސް | 179183 އެކްޓިވް ކޭސް
- ސައުތު އެފްރިކާ: 559859 ޖުމުލަ ކޭސް | 137977 އެކްޓިވް ކޭސް
ކޮވިޑް-19އަށް ކަނޑައެޅިގެން އަދި ވަކި ފަރުވާއެއް ހޯދިފައެއް ނުވެއެވެ. ބަލިޖެހިފައިވާ މީހުންނަށް ފަރުވާ ދެނީ، އެމީހުންގެ ހަށިގަނޑުން ފެންނަ އަލާމާތްތަކަށް ބަލައިގެންނެވެ. ދުނިޔޭގެ ނިސްބަތުން ބަލާއިރު، ބަލިޖެހޭ މީހުންގެ ތެރެއިން 99 ޕަސެންޓް މީހުންގެ ކިބައިން ބަލީގެ އަލާމާތްތައް ފެންނަނީ ވަރަށް ކުޑަކޮށެވެ. މި ބައްޔަށް ޕޮޒިޓިވްވި 20 މިލިއަނަށްވުރެ ގިނަ މީހުންގެ ތެރެއިން، މިހާތަނަށް 12898238 މީހަކަށް ޝިފާ ލިބި، ރަނގަޅުވެފައިވާކަމަށް ރެކޯޑްތަކުން ދައްކައެވެ.
ލިބިފައިވާ އެންމެ ފަހުގެ ތަފާސް ހިސާބުތަކަށް ބަލާއިރު، ކޮވިޑް-19 ޖެހިގެން، ދުނިޔޭގެ އެކި ކަންކޮޅުތަކުން މަރުވި މީހުންގެ އަދަދު 733995 އަށް ވަނީ އަރާފައެވެ.
