ބ. ބޮޑުފިނޮޅުގައި ތިބި ބިދޭސީ މުވައްޒަފުން ހަމަނުޖެހުން ހިންގީ ރަށުގެ ޑިވެލޮޕަރު ފައިސާ ނުދޭތީ ކަމަށް ބުނެ ރައްޔިތުންގެ މަޖިލީހުގެ ށ. މިލަންދޫ ދާއިރާގެ މެމްބަރު އަލީ ރިޒާގެ ރިޒް ކުންފުނީގެ ގާނޫނީ ވަކީލުން ނެރުނު ބަޔާން ޑިވެލޮޕަރު ސީލް މޯލްޑިވްސްގެ ވަކީލުން ދޮގު ކޮށްފިއެވެ.

ސީލް މޯލްޑިވްސް ތަމްސީލް ކުރާ އެޑްވޮކަސީ ޗެމްބާސް އިން ނެރުނު ބަޔާނުގައި ބުނީ ރިޒް ކުންފުނި ތަމްސީލްކުރާ ލޯކްރާފްޓުން ނެރުނު ބަޔާނުގައި، މުވައްޒަފުންނަށް މުސާރަ ނުދެވި އޮތީ ސީލް މޯލްޑިވްސް އިން ފައިސާ ނުދޭތީ ކަމަށް ބުންޏަސް އެ ބަޔާނުގައި ބުނާ ދެ އެއްބަސްވުމުގައި ބުނާ އަދަދަށް ވުރެ އިތުރަށް ވެސް މިހާތަނަށް ފައިސާ ދެވިފައިވާ ކަމަށެވެ.

އެގޮތުން ސީލް މޯލްޑިވްސްގެ ވަކީލުން ބުނީ ހަވާލާދީފައިވާ އެއްބަސްވުންތަކުން ރިޒް ޕްރައިވެޓް ލިމިޓެޑާ ހަވާލުކޮށްްފައި އޮތީ ބޮޑުފިނޮޅުގެ މައްސަކަތުގެ ކުޑަ މިންވަރެއް ކަމަށާއި އެ މަސައްކަތްތައް ފުރިހަމަވުމުން ދައްކަން ޖެހެނީ 12.3 މިލިޔަން ރުފިޔާ ކަމަށެވެ. ނަމަވެސް މިހާތަނަށް ރިޒް ކުންފުންޏަށް 21.8 މިލިޔަން ރުފިޔާ ދީފައިވާ ކަމަށް ސީލް މޯލްޑިވްސް އިން ބުނެއެވެ.

އެހެންކަމުން، އެ ކުންފުންޏަށް މުވައްޒަފުންގެ މުސާރަ ނުދެވޭން ޖެހޭ ސަބަބެއް ނޭނގޭކަމަށާއި އެ މުވައްޒަފުންނަށް މުސާރަ ދިނުމުގެ ޒިންމާ ސީލް އާ މަތިކޮށްފައި ވަނީ ކޮން މަގްސަދެއް ހާސިލުކުރުމުގެ ގޮތުން ކަން ސާފު ނުވާ ކަމަށް ސީލް މޯލްޑިވްސް އިން ބުނެއެވެ.

ކޮންޓްރެކްޓްގެ ދަށުން 7,000.00 ހަތްހާސް ރުފިޔާ ގެ ރޭޓުން ޑިވެލޮޕާގެ ފަރާތުން ކޮންޓްރެކްޓަރ އަށް ފައިސާ ދައްކަންޖެހޭ ނެކަމަށް އެއްބަސްވުމުގައި ބަޔާންކޮށްފައިވާއިރު، އިސްވެ ދެންނެވި ފަދައިން 08 މިލިއަނަށްވުރެ ގިނަ ރުފިޔާ މިހާރުވަނީ ޑިވެލޮޕަރގެ ފަރާތުން ކޮންޓްރެކްޓަރ އަށް ދައްކާފައެވެ. ވީމާ، އެފައިސާއިން ކޮންޓްރެކްޓަރ އަށް އެފަރާތުގެ 200 އެއްހާ މުވައްޒަފުންނަށް ފައިސާ ނުދެވެންވީ އެއްވެސް ސަބަބެއް ނުވިސްނެއެވެ. އަދި، ލޯކްރާފްޓްގެ ފަރާތުން ކަމުގެ ހަގީގަތްތް ބަޔާންކޮށް ތަނުގައި މަސައްކަތްކުރަމުންދަނީ ކޮންޓްރެކްޓާ 200 މުވައްޒަފުން ކަމަށް ބަޔާންކޮށްފައިވާއިރު، ކޮންޓްރެކްޓަރ ގެ ފަރާތުން 200 މުވައްޒަފުން ތަނުގައި މަސައްކަތް ކުރަމުންދާކަމަށް ބަޔާންކޮށް ކޮށްފައިވާ އިންވޮއިސްތަކަށްވެސް، ޑިވެލޮޕަރގެ ފަރާތުން ފައިސާ ދައްކާފައިވުމުން، މިއީ ކިހިނެތް ހިނގާފައިވާކަމެއްތޯ ބެލުމުގެ ގޮތުން ޑިވެލޮޕާރގެ ފަރާތުން މިހާރު އިންޓާރނަލް އިންވެސްޓިގ ޝަނެއް ކުރިއަށް ގެންދާކަންވެސް މިފުރުސަތުގައި ފާހަގަކުރަމެވެ.
ސީލް މޯލްޑިވްސްގެ ގާނޫނީ ވަކީލުންގެ ޓީމު

ލޯކްރާފްޓްގެ ބަޔާނުގައި އިތުރައް ބުނީ ތަނުގައި ތިބި މުވައްޒަފުން ޓްރެފިކް ކުރުވަން އުޅޭ ކަމަށް ބެލެވިދާނެކަމަށް ބުނެ ސީލް އަށް ތުހުމަތުކޮށްފައި ވިޔަސް އެއީ ލޯކްރާފްޓްގެ މުވައްކިލް ރިޒްގެ މުވައްޒަފުން ކަމަށާއި މުސާރަ ދޭންޖެހެނީ ވެސް ކޮންޓްރެކްޓަރު ރިޒް ކަމަށް ސީލްގެ ވަކީލުން ބުނެއެވެ. އަދި މުޒާހަރާކޮށް މާރާމާރީ ހިންގައި ހެވީ މެޝިނަރީތަކަށް ގެއްލުން ދިނުމާ ގުޅިގެން، އެކަން ޑިވެލޮޕަރުގެ ފަރާތުން ފުލުހުންނަށް ހުށަހެޅުމުން ރޭ އެރަށަށް ދިޔަ ފުލުހުން ކޮންޓްރެކްޓަރުގެ މުވައްޒަފުންގެ އަތުގައި، ޑޮކިއުމަންޓްތައް ނެތުމުގެ ސަބަބުން، އެ މީހުންނާ މެދު ފިޔަވަޅު އެޅުމުގައި ދަތިތައް ހުރިކަން ފާހަގަކޮށްފައިވާ ކަމަށް ވެސް ބަޔާނުގައިވެއެވެ.

https://thepress.mv/116300

އަދި އެކަން އިތުރަށް ބެލި ބެލުމުން، ދެފަރާތުގެ ދެމެދުގައި ވެފައިވާ އެއްބަސްވުމުގެ ދަށުން މުވައްޒަފުންގެ އިންޝުއަރެންސް ކަންކަންވެސް ކޮންޓްރެކްޓަރުގެ ފަރާތުން ފުރިހަމަ ކޮށްފައި ނުވާކަމަށާއި، ވޯކް ވިސާ ވެސް އޭގެ ތެރެއިން ގިނަ މުވައްޒަފުންގެ އަތުގައި ނެތްކަން ފާހަގަކުރެވޭ ކަމަށް އެޑްވޮކަސީ ޗެމްބާސްގެ ބަޔާނުގައި ބުނެއެވެ.

ސީލް އާ ހަވާލާދީ އެ ކުންފުނީގެ ވަކީލުން ބުނީ ކޮންޓްރެކްޓަރަށް ދޭންޖެހޭ އިތުރު ފައިސާއެއް މިހާރު ނެތް ކަމަށާއި ނަމަވެސް އެ ދެބަސްވުން ހައްލުކުރުމަށް އިއްޔެއާ ހަމަ އަށް ވެސް ވާހަކަ ދެކެވެނު ކަމަށެވެ. އެގޮތުން ކޮންޓްރެކްޓަރު އެކި ހުށަހެޅުންތައް ހުށަހަޅަމުން ގޮސް، ރަށުން މުވައްޒަފުން ބާލާނީ އިތުރަށް އެއް މިލިއަން ރުފިޔާ ދިނުމުން ކަމަށް ބުނެފައިވާ ކަމަށްވެސް އެ ބަޔާނުގައިވެއެވެ.

މައްސަލަ ހައްލުކޮށް، ރަށުން މުވައްޒަފުން ބާލާނަމަ، އިތުރަށް 8 އެކެއް މިލިއަން ރުފިޔާ ދިނުމަށް ޑިވެލޮޕާގެ ފަރާތުން ހުށަހަޅާފައިވާކަމަށާއި، ނަމަވެސް، ކޮންޓްރެކްޓަރ ގެ ފަރާތުން އެއްބާރުލުން ނުދިނުމުގެ ސަބަބުން، މައްސަލަ ހައްލުކުރެވ ގޮތް ނުވީކަމަށް ޑިވޮލޮޕަރގެ ފަރާތުން މި ލޯފާމަށް މައުލޫމާތު ދީފައިވެއެވެ. އަދި މައްސަލަ ހައްލުކުރުމުގެ ބަދަލުގައި، ކޮންޓްރެކްޓާ ގެ ފަރާތުން ރަށުގައި ތިބި އެންމެހައި ދިވެހި މުވައްޒަފުންތައް ރަށުން ގެންދިއުމަށްޓަކައި ލޯންޗަށް އެރުވުމުން، އެކަމާ ކޮންޓްރެކްޓާ ގެ މުވައްޒަފުންތައް ރުޅިއައިސް، ތިމަންނަ މެންނާ ހަވާލުވާނެ ބަޔަކު ނެތި، މިތަނުން ފުރައިގެން ނުދެވ ނެކަމަށް ބަޔާންކޮށް، ލަޓިބުރިތަކާއި ދަގަނޑު ހޮޅިތައް ކޮންޓްރެކްޓަރ ގެ ދިވެހި މުވައްޒަފުން ތިބި ލޯންޗާ ދިމާލަށް އުކާފައިވާކަން ލޯފާމުން ބެލިބެލުމުން އެނގިފައިވާކަމަށާއި، މިމަންޒަރު ދައްކުވައިދ ވީޑިއޯ ލޯފާމަށް ލިބިފައިވާކަމަށާއި، މީޑިއާއިން ބޭނުންފުޅުވެލައްވާނަމަ، ވީޑިއޯ މީޑިއާއާ ހިއްސާކޮށްދޭނެ ވާހަކަ ދަންނަވަމެވެ.
ސީލްގެ ގާނޫނީ ވަކީލުންގެ ޓީމް

ބޮޑުފިނޮޅުގައި ހިނގި ހަމަނެޖެހުންތައް ރޭ ފަތިހު ކޮންޓްރޯލްކޯށް އެ ރަށުގައި ހިފަހައްޓާފައި ތިބި ދިވެހިން ސަލާމަތްކުރުމަށް ހިންގި އޮޕަރޭޝަންގައި ފުލުހުންނަށްވެސް ވަނީ އަނިޔާވެފައެވެ. ހަމަނުޖެހުން ހިންގި ކަމަށް ބެލެވޭ 19 މީހަކު މިހާރު ފުލުހުން ވަނީ ހައްޔަރުކޮށްފައެވެ.

ހަބަރު ބޮޑުފިނޮޅު ހަމަނުޖެހުން މިލަންދޫ ދާއިރާގެ މެންބަރު އަލީ ރިޒާ