ކޮވިޑް-19 ފެތުރެމުން ދާތީ ގިނަ ތަންތަން މޮނިޓަރިންގެ ހާލަަތށް ގެނެސްފައިވާ އިރު މިހާތަނަށް 316 ތަނަކާއި 4 ރަށެއް މޮނިޓަރިންގް ހާލަަތަށް ގެންގޮސްފައިވާ ކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނެފިއެވެ.
އެޗްޕީއޭ އިން އާންމުކުރި ތަފާސް ހިސާބުތައް ދައްކާ ގޮތުގައި މިހާތަނަށް 311 ގެ ނުވަތަ އެޕާޓްމަންޓް ވަނީ މޮނިޓަރިންގެ ހާލަތަށް ގެންގޮސްފައެވެ. ހަމައެއާއެކު 5 ފިހާރަ ނުވަތަ ގުދަނަކާއި 4 ރަށެއްވެސް ވަނީ މޮނިޓަރިންގެ ހާލަތަށް ގެންގޮސްފައެވެ.
މޮނިޓާ ކޮށްފައިވާ ހާލަތުގައި ހުރި ގުދަން އަދި ފިހާރައިގެ ތެރޭގައި ހިމެނެނީ ހ. ރަންރިޔަލައާގެ ގައި ހުންނަ ގުދަނާއި، ވީބީ ބާޒާރު ބްރާންޗާއި ވީބީ ހުޅުމާލެ ބްރާންޗްގެ އިތުރުން ހދ. އަތޮޅު ސްޓޯރާއި، ޓޮޕް މާޓެވެ. އަދި މޮނިޓަރިންގެ ހާލަތަށް ގެންގޮސްފައިވާ ރަށްރަށުގެ ތެރޭގައި ހިމެެނެނީ މާލެ، ށ. ނަރުދޫ. ހއ. ތަކަންދޫ އަދި ނ. މަނަދޫ އެވެ.
ކޮވިޑަށް ޕޮޒިޓިވް ވެފައިވާ 982 ކޭސް މިހާރު ފެނިފައިވާ އިރު އެކްޓިވް ކޭސްގެ ގޮތުގައި އުޅެނީ 930 ފަރާތެކެވެ. މިހާތަނަށް މި ބަލި ޖެހިގެން 46 މިހާކު ރަނަގަޅުވެފައި ވާ މި ބަލީގައި މަރުވެފައި ވަނީ 4 މީހެކެވެ.
ރާއްޖެއިން ފެނިފައިވާ ޕޮޒިޓިވް ކޭސްތައް 982 އަށް އަރާފައިވާއިރު އެންމެ ގިނައިން ޕޮޒިޓިވްވެފައި ވަނީ ބަންގްލަދޭޝް މީހުންނެވެ. ބަންގްލަދޭޝަށް ނިްސްބަތްވާ 524 މީހުން ހިމެނޭ އިރު ޕޮޒިޓިވް ވި މީހުންގެ ތެރޭގައި 323 ދިވެހިން ހިމެނެއެވެ.
