މިހާރު މާލޭގައި އިއުލާން ކޮށްފައިވާ ލޮކްޑައުންގެ މުއްދަތު މިއީ ވީއްލާލަން ވީ ވަގުތު ނޫން ކަމަށާއި ދިގުލައިގެން ގޮސްދާނެ ކަމަށް ހެލްތު މިނިސްޓްރީން ބުނެފިއެވެ.
މިއަދު ދަރުބާރުގޭގައި ބޭއްވި ނޫސްވެރިންގެ ބައްދަލުވުމެއްގައި ވާހަކަ ދައްކަވަމުން މިނިސްޓަރު އަބްދުﷲ އަމީން ވިދާޅުވީ މި މަހުގެ ނިޔަލަށް މާލޭ ސަރަހައްދަށް އިއުލާން ކޮށްފައިވާ ލޮކްޑައުން ކުރިއަށް އޮތް ހަތަރު ވަރަކަށް ދުވަސް ތެރޭގައި ހަމަވާއިރު، މާލޭ ސަރަހައްދުގެ ލޮކްޑައުން އުވާލެވޭނެ ފަދަ އެއްވެސް ހާލަތެއް ނެތް ކަމަށެވެ.
ލޮކްޑައުންގައި އަދި ދުވަސްތަކެއް މަޑު ކުރަން ޖެހޭނެ ކަމަށާއި އެކަން ކުރަން ޖެހެނީ ވައިރަސް ކުއްލިއަކަށް ފެތުރުނަ ނުދީ ހިފެހެއްޓުމަށް ކަމަށްވެސް އަމީން ވިދާޅުވިއެވެ. ސިސްޓަމަށް ނުކަތާ ވަރަށް ބަލި މީހުން އިތުރު ވިޔަ ނުދިނުމަށް އޮތީ ހިފެހެއްޓުންތައް އުވާނުލުން ކަމަށާއި މިވަގުތު އިތުރު ހަރަކާތްތަކެއް ގެނެސްފި ނަމަ، ވައިރަސް މާ ބޮޑަށް މާލެ ތެރެއަށް ފެތުރިގެން ހިނގައިދާނެ ކަމަށްވެސް އަމީން ވިދާޅުވިއެވެ.
މާލޭގައި އިއުލާން ކޮށްފައިވާ ލޮކްޑައުންގެ މުއްދަތު 14 ދުވަހަށް އިތުރުކޮށްފައި ވަނީ މިމަހުގެ 15 ވަނަ ދުވަހެވެ. އެ މުއްދަތު ހަމަވަނީ، މި މަހުގެ 30ގެ ނިޔަލަށެވެ.
މި މާލެެގަ އިތުރަަަށް ބަލި ފެތުރުނަ ދޭން ނޫޅުއްވާ. މީހުން އެއުޅޭ ހާލު ނުފެންނާނެ ފިނި ރޫމްގަ އުޅޭ މީހުންނަކަށް
ހަމަ ރައްޔިތުން ހަނާކުރަން ފިނިހަކަ ސްޕީޑުގަ ޓެސްޓްކޮށްކޮށް ތިބެނީ! މިނިސްޓަރ އިސްތިއުފާ ދެއްވާ! އެޗްޕީއޭ ވެސް ރިވައިސް ކުރަންޖެހޭ. މީމަގޭ ޚިޔާލު ދުނިޔޭގެ ގައުމުތަކުގައި ބައްޔާއި ހަނގުރާމަ ކުރުމުގައި ބޭނުން ކުރާ އުކުޅުތައް ނުބަލައި ސަރުކާރު ޕްރެޝަރަށް ލަނީ. ޜެޕިޑް ޓެސްޓް ހެދުމުން ލިބޭ ގެއްލުމެއް ބުނެދީބަލަ؟
ބޮޑުވެއްޖެ ކަމެއްނު! އިތުބާރުހުރި ރެޕިޑް ޓެސްޓް ހެދެން މިހާރު އެބަހުރި. ޖަރުމަން ތަންތަނުގެ ރައްޔިތުން ޕްރައިވެޓްކޮށް ޓެސްޓް ހަދައި ސްކްރީނުކޮށް އެތައް ވޭވެއްވަނީ މަޑުޖައްސާފަ. ޓެސްޓު ރ ކުރުމުން ލިބޭ ގެއްލުމެއް ކޮބަާ؟ އެސްޓީ އޯ އިން ގެނެސް ވިއްކަން ބަހައްޓަންވީނު 20ރ އަށް، 11 ޑޮލަރަށް ލިބޭ؟؟؟ މުޅި އާބަދީ ޓެސްޓް ކުެރެވޭނެ ވީކެއްގެ ތެރޭ. ދުވާލަކަށް 50 މީހުން ޓެސްޓުކުރެވިގެން މިކަމެއް ނުވާނެ.