ހުޅުމާލޭގައި ކައުންޓުލައިން ފިހާރައާ ދިމާލުގައި އޮތް ހުސްގޯއްޗެއްގައި ހުރި ކުނިތަކެއްގައި ރޯވެ އަނދަމުން އެބަދެއެވެ.
އެމްއެންޑީއެފްގެ ފަޔާ އެންޑް ރެސްކިއު މިހާރު ދަނީ ހަރަކާތްތެރިވަމުންނެވެ.
އެމްއެންޑީއެފްއިން ބުނީ އަލިފާން ރޯވެފައި ވަނީ، ހިރުނދު މަގުގައި ހުރި ހުސްބިމެއްގައި ބަހައްޓާފައި ހުރި އެލުމިނިއަމް މެޓީރިއަލް ތަކެއްގައި ކަމަށެވެ. މިހާރު އެ އަލާފަންގަނޑު ނިވާލާފައިވާ ކަމަށް އެމްއެންޑީއެފް އިން ބުނެއެވެ.
އެމްއެންޑީއެފް އިން ބުނީ މި ހާދިސާގައި އެއްވެސް މީހަކަށް އަނިޔާ ލިބިފައިނުވާ ކަމަށެވެ.
އަލިފާނުގެ ތަފާތު ދެ ހާދިސާއެއް މިއަދުވެސް ހިނގާފައިވެއެވެ. އެއް ހާދިސާގައި ލ. ގަމުގައި އޮތް ފުލުހުންގެ ލޯންޏެއްގައި ރޯކޮށްލާފައި ވާއިރު އެމްޓީސީސީ ތިލަފުށީ ސައިޓުގައި ހުރި ކުނިތަކެއްގައިވެސް ރޯވެ އަނދާފައިވެއެވެ.
