ހުޅުމާލޭ މެޖިސްޓްރޭޓް ކޯޓުގެ މެޖިސްޓްރޭޓް އަމްޖަދު އަބްދުޢަނީގެ ސުލޫކީ މައްސަލައެއް ޖުޑީޝަލް ސާވިސް ކޮމިޝަން (ޖޭއެސްސީން)ން ބަލަން ފަށައިފިއެވެ.
ހުޅުމާލޭ މެޖިސްޓްރޭޓް ކޯޓުގެ މެޖިސްޓްރޭޓް އަމްޖަދު އަބްދުޢަނީއާ ގުޅޭ ގޮތުން ބަލަމުން ދަނީ ކޮން ކަހަލަ ސުލޫކީ މައްސަލައެއްކަމެއް ޖޭއެސްސީން ހާމަކޮށްފައެއް ނުވެއެވެ.
ޖޭއެސްސީން ބުނީ، ހުޅުމާލޭ މެޖިސްޓްރޭޓް ކޯޓުގެ މެޖިސްޓްރޭޓް އަމްޖަދު އަބްދުޢަނީގެ ސުލޫކީ މައްސަލައެއް ބަލަން ނިންމީ މިއަދު އެ ކޮމިޝަނުން ބޭއްވި ބައްދަލުވުމެއްގައެވެ.
އަމްޖަދު އަބްދުޢަނީގެ ސުލޫކީ މައްސަލައެއް ޖޭއެސްސީއިން ބަލަމުން ދާއިރު، ޝަރުއީ ކޯޓުތަކުގެ ފަނޑިޔާރުންނާއި އެތައް މެޖިސްޓްރޭޓުންގެ މައްސަލަތަކެއް ޖޭއެސްސީން މިހާރުވެސް އަންނަނީ ބަލަމުންނެވެ. އަދި އެއަށް ފިޔަވަޅު އަޅައި، ބައެއް ފަނޑިޔާރުން ވަނީ މަގާމުން ވަކިކޮށްފައެވެ.
