ކުޑަކުދިންނަށް ކުރާ ޖިންސީ ގޯނާގެ މައްސަލަތައް އިންތިހާއަށް ފެންމަތިވެފައި ވަނިކޮށް ދަރުމަވެރިއެއްގެ ގޮތުގައި ފާހަގަވެގެން ދިޔަ އަހުމަދު ހިޝާންގެ އެފަދަ މައްސަލަތަކެއް ފާހަގަވެ، ޖެންޑާ މިނިސްޓްރީން ފިޔަވަޅު ނާޅާ އޮތުމުން މިނިސްޓަރު ޝިދާތާ ޝަރީފު ފެއިލްވެއްޖެ ކަމަށް މަޖިލީހުގެ ގިނަ މެންބަރުން ވިދާޅުވެއްޖެއެވެ.
ގަލޮޅު ދެކުނު ދާއިރާގެ އެމްޑީޕީ މެންބަރު މީކާއިލް އަހުމަދު ނަސީމުް މިއަދު މަޖިލިހަށް ހުށަހެޅުއްވި ކުއްލި މައްސަލައިގެ ބަހުސްގައި ގިނަ މެންބަރުން ވަނީ ޝިދާތާއަށް ވަރަސް ބޮޑަށް ފާޑު ވިދާޅުވެފައެވެ.
މައްސަލަ ހުށަހަޅުއްވަމުން މީކާއިން ވިދާޅުވެފައިވަނީ ދުނިޔޭގެ ލަދަށްވެސް ޝިދާތާ އިސްތިއުފާ ދެއްވަން ޖެހިވަޑައިގަންނަވާ ކަމަށެވެ.
މީކާއީލް ހުށަހެޅުއްވި ކުއްލި މައްސަލައިގައި، ޖިންސީ ގޯނާގެ ސީރިއަސް ތުހުމަތުތަކެއް ހިޝާނަށް ކުރެވޭ ކަން އެނގި ތިބެ، އޭނާ އަށް އޮނަރަރީ ޑިސެބިލިޓީ އެމްބެސެޑަރުކަން ދިން މައްސަލައާއި، 19 އަހަރުގެ މީހެއްގެ ބެލެނިވެރިކަން ފެމިލީ ކޯޓުން ނަގައި ނުދިނުމުން ވެސް ހިޝާން އެ ޒުވާނާ ގޮވައިގެން އުޅުނު އިރު، އޭނާގެ ހިމާޔަތުގައި މިނިސްތްރީން އެއްވެސް ކަމެއް ނުކޮށް އޮތުން ފާހަގަ ކޮށްފައި ވެއެވެ.
މިއަދު މަޖިލީހުގެ ތަޅުން ހޫނުވެ، ގިނަ މެންބަރުން ޝިދާތާގެ އިސްތިއުފާއަށް ގޮވާލެއްވި އިރު ބައެއް މެންބަރުން ވަނީ ޝިދާތާގެ އިތުބާރު ނެތްކަމުގެ ވޯޓު ނަގަންވެސް ގޮވާލައްވާފައެވެ. އެގޮތުން އެމްޑީޕީގެ ޗެއާޕާސަން ހަސަލް ލަތީފު ވިދާޅުވީ މި ޒާތުގެ ކަންކަން ހިނގަމުން ދާއިރު މަޑުން ނުތިއްބެވޭނެ ކަމަށާ މިނިސްތަރު އިސްތިއުފާ ދެއްވުމަށެވެ.
ހިޝާންގެ ބެލުމުގެ ދަށުގައި ޒުވާނަކު ހުންނަ ކަން، ހިޝާނަށް އެމްބެސެޑެޑަރުކަން ދިން އިރުވެސް ޖެންޑާއަށް މިނިސްޓްރީއަށް އެނގެއެވެ.
މީކާއީލްގެ ބަސް އަޙާގެން އަވަހަށް އިސްތިއުފާދީ. އެނޫން އެހެން ގޮތެއް ނެތް. މުޅި ރައްޔިތުން ޖިންސީ ޝިކާރައަށްވެ ނިނެންދެން މަޑުންނެއް ނުތިބެވޭނެ. ކިބުރުވެރިކަމާއިއެކު އެހެން ކޮންމެވެސް ކަމެއް ކުރަން ޝިދާތާ އުޅުއްވާ. ދިވެހި ދައުލަތާ މުޅި މިރާއްޖެ ލަދުން ބޯފަޅަގެން ދާވަރު ވެއްޖެ.