ވިލިމާލޭ ހިޔާގައި ތިބި 2 އަންހެން ކުއްޖަކު ބަނޑުބޮޑުވި ކަމަށް ބުނެ ސޯޝަލް މީޑިއާގައި ދެކެވެމުންދާ ވާހަކަތައް ޖެންޑާއިން ދޮގުކޮށްފިއެވެެ.
ޖެންޑާ މިނިސްޓްރީން ބުނީ، ވިލިމާލޭ ހިޔާގައި ތިބި 2 އަންހެން ކުއްޖަކު ބަނޑުބޮޑުވި ކަމަށް ބުނެ ސޯޝަލް މީޑިއާގައި ދެކެވެމުންދާ ވާހަކަތަކަކީ ހަގީގަތާ ހިލާފު ވާހަކަތަކެއް ކަމަށެވެ.
އެ މިނިސްޓްރީން ބުނީ، ދައުލަތުން ކުދިން މަރުކަޒުތަކަށް ނަގަނީ އެކި މާހައުލުތަކުން ކަމަށާއި އޭގެ ތެރޭގައި އެކި ބާވަތުގެ އެކި ހާލަތު ދިމާވާ ކުދިން ހިމެނޭ ކަމަށެވެ. އަދި އެކުދިން ގެނެވޭ ހާލަތާ، އެކުދިންގެ ޒާތީ މައުލޫމާތު ހާމަވަ ތަފްސީލު ހާމަ ކުރުމަކީ އެންމެ އެދެވިގެންވާ ކަމެއް ނޫން ކަމަށް އެ މިނިސްޓްރީން ބުނެއެވެ.
ޖެންޑާ މިނިސްޓްރީން މިހެން ބުނެފައިވާއިރު، ވިލިމާލޭ ހިޔާގައި ތިބޭ ބައެއް އަންހެން ކުދިން އެތަނުން ނުނިކުމެވިގެން އަތުގައި ކަޓަރު އަޅާފައިވާ ވާހަކަތަކެއް ވެސް ވަނީ ސޯޝަލް މީޑިއާގައި ފެތުރިފައެވެ.
ވިލިމާލެ އަދި ހުޅުމާލޭ ހިޔާގައި، މިފަދަ މައްސަލަތައް ދޭތެރެ ދެތެރެއިން ފެންމަތިވަމުން އަންނަކަން ވަނީ ފާހަގަވެފައެވެ. އަދި ހިޔާގައި ތިބޭ ކުދިންނާ ބެހޭގޮތުން ތަފާތު އެކި ކަހަލަ ވާހަކަތައް ދަނީ ސޯޝަލް މީޑިއާގައި ދެކެވެމުންނެވެ.
