ކުޑަކުދިންތަކަކަށް ޖިންސީ ގުނަވަން ދެއްކި 60 އަހަރުގެ މީހަކު ހައްޔަރުކޮށްފިއެވެ.
މިކަމާ ގުޅިގެން ފުލުހުން ބުނީ، މިހިނގާ ޖެނުއަރީ މަހުގެ އެކި ދުވަސްމަތިން ކުޑަކުދިންތަކަކަށް ޖިންސީ ގުނަވަން ދެއްކި މައްސަލައެއްގައި ހައްޔަރުކޮށްފައި ވަނީ 60 އަހަރުގެ ދިވެހި ފިރިހެނެއް ކަމަށެވެ. އަދި އޭނައަކީ ޅ.ނައިފަރު މީހެއްކަމަށްވެސް ފުލުހުން ބުނެއެވެ.
އެ މައްސަލާގައި ކޯޓު އަމުރެއްގެ ދަށުން އޭނާ ހައްޔަރުކޮށްފައި ވަނީ މިއަދު އިރުއޮއްސި 6:10 ހާއިރު ކަމަށް ފުލުހުން މައުލޫމާތުދެއެވެ.
ފުލުހުން ދަނީ މި މައްސަލަ އިތުރަށް ތަހުގީގު ކުރަމުންނެވެ.
ކުޑަކުދިންނަށް ޖިންސީ އަނިޔާ ކުރުމާއި، ރޭޕް ކުރުން އަދި އުމުރާ ނުގުޅޭ ބަދުއަހްލާގީ މަންޒަރުތައް ދައްކުވައިދޭ ވީޑިއޯ ދެއްކުމުގެ އިތުރުން ޖިންސީ ގުނަވަން ދެއްކުމުގެ މައްސަލަތައް މިހާރު ދަނީ ފެންމަތިވަމުންނެވެ. އަދި މިފަދަ މައްސަލަތަކާ މެދު އާންމުން ހޭލުންތެރި ކުރުވުމަށްޓަކައި އެކި އެކި ކަންތައް ކުރަމުންދާ ކަން ވެސް ވަނީ ފާހަގަ ކުރެވިފައެވެ.
