އައްޑޫ ސިޓީގައި ހިންގާ ކެނަރީފް ރިސޯޓްގައި ޓޫރިސްޓަކު މަރުވެފައި އޮއްވާ ފެނިއްޖެއެވެ.
ހުޅުމީދޫ ސިއްހީ މަރުކަޒުން ބުނީ މިއަދު ހެނދުނު 6:30 ހާއިރު ކެނަރީފް ރިސޯޓުން، އިޓަލީގެ ފަތުރުވެރިއަކު އެސިއްހީ މަރުކަޒަށް ގެނެސްފައިވާ ކަމަށެވެ. އޭނާ މަރުކަޒަށް ގެނައި އިރުވެސް މަރުވެފައިވާ ކަމަށް ޑޮކްޓަރުންނާ ހަވާލާދީ އެމަރުކަޒުން ބުންޏެވެ.
އެސިއްހީ މަރުކަޒުން ބުނީ މަރުވެފައިވަނީ އިޓަލީގެ 61 އަހަރުގެ ފިރިހެނެއް ކަމަށެވެ. ނަމަވެސް އެކަމާ ގުޅޭ އިތުރު ތަފްސީލެއް ހާމައެއް ނުކުރެއެވެ.
