ނޭޕާލުގައި މިހާރު ކުރިއަށްދާ 13 ވަނަ "ސައުތް އޭޝިއަން ގޭމްސް"ގެ ބައިވެރިންނަށް ކާމިޔާބީ އާއި މަރުހަބާއަށް ރައީސް އިބްރާހިމް މުހައްމަދު ސޯލިހު އެދިވަޑައިގެންފިއެވެ.
ރައީސް ޓުވީޓެ ކުރައްވާ ވަނީ އޭޝިއަން ގޭމަސްގައި ބައިވެރި ވި ބައިވެރިންނަށް ތަހުނިޔާ ވިދާޅުވެފައެވެ. އަދި ހަމަ އެހެންމެ ގޭމްސް ފެށުމުގެ ރަސްމިއްޔާތުގައި ރާއްޖޭގެ ދިދަ ހިފައިގެން ރާއްޖެ ތަމްސީލު ކުރި ހައްވާ ރަޝީދަށް ރައީސް ވަނީ ހޫނު މަރުހަބާއެއް ވިދާޅުވެފައެވެ.
އިއްޔެ ނޭޕާލްގައި ފެށި އޭޝިއަން ގޭމްސް، ނޭޕާލްގެ ސަގާފީ ހަރަކާތްތަކާއެކު ރަސްމީކޮށް ފައްޓަވައި ދެއްވީ ނޭޕާލްގެ ރައީސް ބިދުޔާ ދެވީ ބަންދާރީއެވެ. މިއަދުގެ ރަސްމިއްޔާތުގައި ރާއްޖޭގެ ސްޕޯޓްސް މިނިސްޓަރު އަހްމަދު މަހްލޫފް ވެސް ބައިވެރިވެ ވަޑައިގެންނެވިއެވެ.
ސައުތު އޭޝިއަން ގޭމްސްގެ ފުރަތަމަ ބޭއްވީ 1984 ވަނަ އަހަރު ނޭޕާލްގައެވެ. އޭގެ ފަހުން 1999 ވަނަ އަހަރު ވެސް މި ގޭމެސް ނާޕާލުން ހޯސްޓް ކުރިއެވެ. މިއީ ނޭޕާލުން ގޭމްސް ހޯސްޓް ކުރާ ތިން ވަނަ ފަހަރެވެ.
