އޮކްޓޫބަރު 2، 2012 ގައި އަވަހާރަ ކޮށްލި ޑރ. އަފްރާޝީމް އަލީގެ މަރާ ގުޅޭ ގޮތުން، މަރާލާފައިވާ މީހުންނާއި، ގެއްލުވާލާފައިވާ މީހުންގެ މައްސަލަތައް ތަޙުޤީޤުކުރާ ކޮމިޝަނުން އެކުލަވާލި ރިޕޯޓުގެ ހުލާސާ މިއަދު ރައްޔިތުންގެ މަޖިލީހަށް އިއްވަން ތައްޔާރު ވެއްޖެއެވެ.
މަޖިލީހުގެ އިދާރާއިން ބުނީ، އެ ިޕޯޓުގެ ހުލާސާ މިއަދު އޮންނަ 66 ވަނަ ޖަލްސާގައި ރިޔާސަތުން އިއްވާނެ ކަމަށެވެ.
"ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު، މިއަދު އޮންނަ 66 ވަނަ ޖަލްސާގައި އިއްވަވާނެ" މަޖިލީހުގެ އިދާރާ
ޑރ. އަފްރާޝީމް އަލީ އަކީ ރ. އުނގޫފާރު ދާއިރާގެ މަޖިލީސް މެންބަރުކަން ކުރެއްވި ދީނީ އިލްމުވެރިއެކެވެ. އޭނާ އަވަހާރަ ކޮށްލީ އޭނާއާ ދެކޮޅުވެރި ޖަމާއަތަކުން ދީނީ ހިލާފުތަކަކާ ހުރެކަމަށް މިހާތަނަށް އާންމުވަމުން ދިޔަ، މަރު ކޮމިޝަނުގެ ރިޕޯޓުގެ ބައެއް ބައިތަކުގައި ބުނެފައިވެއެވެ. އަދި އޭނާ އަވަހާރަ ކޮށްލާފައި ވަނީ ބަޔަކަށް 'ސުޕާރީ' ދީގެން ކަމަށްވެސް ހާމަވެއެވެ.
އޭނާ އަވަހާރަ ކޮށްލި ރޭ އެކަމުގައި އަމަލީ ގޮތުން އުޅުނީ މައިގަނޑު 3 މީހެއް ކަމަށާއި، ނަމަވެސް އޭނާ އަވަހާރަ ކޮށްލާކަން ޔަގީން ކުރުމަށް އިތުރު ބަޔަކުވެސް ހަރަކާތްތެރިވި ކަމަށް ވަނީ ހާމަ ވެފައެވެ.
