އަންނަ އާދިއްތަ ދުވަހަކީ ރަސްމީ ބަންދު ދުވަހެއް ކަމަށް ސަރުކާރުން ނިންމައިފިއެވެ.
ރައީސްގެ ތަރުޖަމާނު އިބްރާހިމް ހޫދު ވިދާޅުވީ އަންނަ އާދިއްތަ ދުވަހަކީ ސަރުކާރު ބަނދު ދުވަހެއް ކަމަށް ރައިސް އިބްރާހިމް މުހައްމަދު ސޯލިހު ކަނޑައަޅައިގައިވާ ކަމަށެވެ. "ދަ ޕްރެސް" އަށް މައުލޫމާތު ދެއްވަމުން ހޫދު ވިދާޅުވީ މިގޮތަށް ނިންމެވީ، މި މަހުގެ ނުވައެއްވާ އާދީއްތަ ދުވަހަކީ ރަސޫލާގެ އީދު މީލާދު ކަމަށްވެފައި، މި މަހުގެ 11 ވަނަ ދުވަހަކީ ޖުމުހޫރީ ދުވަސް ކަމަށް ވާތީކަމަށާއި އެ ދެދުވަސް އެއީ ރަސްމީ ބަންދު ދެ ދުވަސްކަމަށް ވުމުން، މެދަށް ސަރުކާރު ހުޅުވޭ ދުވަހެއް އައިސްފި ނަމަ، ރައްޔިތުންނަށް އޭގެން ދިމާވާނެ ތަކުލީފު ކުޑަކުރެއްވުމުގެ ގޮތުންކަމަށެވެ.
ކީރިތި ރަސޫލާގެ އީދު މީލާދީ ދުވަހާއި ޖުމްހޫރީ ދުވަހަކީ އަބަދުވެސް ރަސްމީ ބަންދު ދެ ދުވަހެވެ. ރައީސް އިބްރާހިމް މުހައްމަދު ސޯލިހްގެ ތަރުޖަމާނު ހޫދު ވިދާޅުވީ އާދިއްތަ ދުވަސް ބަންދު ދުވަހެއްގެ ގޮތުގައި ކަނޑައެޅުމާގުޅޭ ގޮތުން ނިންމި ނިންމުން ރައީސް އޮފީހުން މިއަދު އިއުލާންކުރައްވާނެ ކަމަށެވެ.
އާދިއްތަ ދުވަސް ބަންދު ކުރުމާއިއެކު ހަތަރު ދުވަހުގެ ބަންދެއް ޖެހިޖެހިގެން ލިބިގެެންދާނެއެވެ.
