ޖޫސް ޕެކެޓެއް ގެންގުޅުނު ކަމުގެ ތުހުމަތުގައި 21600 ރުފިޔާގެ ޖޫރިމަނާއެއް ކުރީ އެ ޕެކެޓް ތެރޭގައި ހުރި ތަކެތި ބަނގުއާތްވައް ޕޮސިޓިވް ވުމުންނެވެ.
ކްރިމިނަލް ކޯޓުން މިދިޔަ މަހުގެ 21 ވަނަ ދުވަހު ކޮށްފައިވާ ހުކުމުގައި ވަނީ މިދިޔަ އޮގަސްޓު މަހުގެ 15 ވަނަ ދުވަހު ފުލުހުން މާލޭތެރެ ޕްޓްރޯލް ކުރަމުން ދިޔަ ފުލުހުންނަށް، ސިނާއީ ސަރަހައްދުގައި ދެމީހެއްގެ އަމަލުތަށް ހުރި ގޮތުން، އެ ދެމީހުން ގާނޫނާ ހިލާފަށް އެއްޗެއް ގެންގުޅޭ ކަމަށް ފުލުހުންނަށް ތުހުމަތު ކުރެވިގެން، މި ދެމީހުން ފުލުހުންގެ ބެލުމުގެ ދަށަށް ގެންގޮސަފައިވާ ކަމަށެވެ.
މިކަމާ ގުޅިގެން 'ދަ ޕްރެސް' އަށް މައުލޫމާތު ދެއްވަމުން ކްރިމިނަލް ކޯޓުގެ އޮފިޝަލަކު ވިދާޅުވީ، ޖޫސްޕެކެޓެއް ގެންގުޅެގެން ޖޫރިމަނާ ކޮށްފައިވަނީ އޭގައި ހުރި ތަކެތި ބަނގުއާވިއަށް ޕޮސިޓިވް ވެފައިވާތީ ކަމަށެވެ. އަދި ކްރިމިނަލް ކޯޓުން ކޮށްފައިވާ ހުކުމުން އެތަންކޮޅު އުނިވެފައިވާތީ، އެތަން ރަނގަޅު ކުރާނެ ކަމަށް ވެސް އޭނާ ވިދާޅުވިއެވެ.
ކްރިމިނަލް ކޯޓުގެ ހުކުމުގައިވާ ގޮތުން، އެ މައްސަލާގައި ޖޫރިމަނާ ކުރި ދެމީހުންގެ ހަށިގަނޑު ބަލައި ފާސްކުރިއިރު، ދެމީހުންގެ އަތުން "ދަބެރީ ކޮމްޕެނީ" ބްރޭންޑް ގެ ޖޫސް ޕެކެޓެއް ފެނިފައިވާ ކަމަށް ބުނެ ދައުލަތުން ދައުވާ އުފުލާފައި ވާއިރު، ކޯޓުން ވަނީ އެކަކު 3 މަހަށް ޖަލަށްލާން ހުކުމް ކޮށް އަނެކަކު ދޫކޮށްލާފައެވެ. ޖަލަށް ހުކުމް ކުރި މީހާ ވަނީ ޖޫރިމަނާއަށް ބަދަލު ކޮށްފައެވެ.
