އެސްޓީއޯއިން އެތެރެކޮށްގެން ވިއްކާ ތެލުގެ އަގު ލާމަރުކަޒު ކުރެވެން ޖެހޭ ކަމަށް މިލަންދޫ ދާއިރާގެ މެންބަރު އަލީ ރިޒާ ވިދާޅުވެއްޖެއެވެ.
ހޯރަފުށީ ދާއިރާގެ މެންބަރު އަހުމަދު ސަލީމް މަޖިލީހަށް ހުށަހަޅުއްވާފައިވާ ކަރަންޓުގެ އަގު ހެޔޮ ކުރުމާ ބެހޭ ގަރާރަށް ބަހުސް ކުރައްވަމުން އަލީ ރިޒާ ވިދާޅުވީ، ލާމަރުކަޒީ ނިޒާމަކަށް މި ގައުމު ބަދަލު ކުރަމުން ދާ އިރު، ހަމައެކަނި ގާނޫނީ ބާރު ކައުންސިލުތަކަށް ދީގެން ނުފުދޭނެ ކަމަށެވެ. އެސްޓީއޯއިން ތެޔޮ އެތެރެ ކުރާއިރު، އެކުންފުނިން ތެޔޮ ލާމަރުކަޒު ކުރެވެން ޖެހޭނެ ކަމަށާއި ތެޔޮ ވިއްކާ އަގުތައް ވެސް ލާމަރުކަޒު ކުރަންޖެހޭ ކަމަށް ރިޒާ ވިދާޅުވިއެވެ.
ޑީސަލްއަށް ކުރާ ހަރަދު އުތުރުގެ ރަށްތަކަށް ބޮޑުވާ ސަަބަބު ހާމަކުރައްވަމުން ރިޒާ ވިދާޅުވީ، އެ ސަރަހައްދުގައި އެސްޓީއޯގެ ހަބެއް ގާއިމް ކުރެވި އެތަނުން ޑީސަލް ދޫކުރާ ގޮތަށް ހަމަަޖެއްސުމުން އެތައް މިލިއަން ރުފިޔާއެއް ސަލާމަތް ކުރެވިގެން ދާނެ ކަމަށެވެ. އެ ގޮތުން އެހަބަށް އެސްޓީއޯގެ ބޯޓު ފަހަަރުތައް ޑީސަލް އެޅީމައި އެހިސާބުގަނޑު ކައިރި ރަށްތަކަށް ޑީސަލް ފޯރުކޮށްދިނުމުގެ އަގު ކުޑަ ވެގެންދާނެ ކަމަށް އޭނާ ވިދާޅުވިއެވެ.
މި ގަރާރުގައި ފާހަގަކޮށްފައިވާ ނުކުތާތަކުގެ ތެރެއިން ރާއްޖޭގެ ސަރަަހައްދުތަކަކަށް ބަހާލައިގެން ކަމާ ގުޅުންހުރި އޮފީސްތައް ގާއިމު ކުރަން ބާރު އަޅުއްވަމުން ރިޒާ ވިދާޅުވީ، މާލެއިން ށ. އަތޮޅަށް ޑީސަލް ލީޓަރެއް ގެންދަން ހަމައެކަނި ޓްރާންސްޕޯޓް ޗާޖެއްގެ ގޮތުގައި 69 ލާރި ހަރަދު ކުރަންޖެހޭ ކަމަށެވެ. އެގޮތުން މަހެއްގެ މައްޗަށް ށ. އަތޮޅުގައި ބޭނުންކުރާ އިންޖީނުތަކަށް ޑީސަލް ގެންދިއުމަށް ގާތްގަނޑަކަށް 4 ލައްކަ ރުފިޔާއާ ގާތްކުރާ އަދަދަކަށް ހަރަދު ކުރަންޖެހޭ ކަމަށާއި އެހެން އެކަން ވުމުން ދައުލަތުން އެތައް ލައްކަ ރުފިޔާއެއް ހަރަދުވެގެން ދާ ކަން ރިޒާ ފާހަގަކުރެެއްވިއެވެ.
ހަމައެއާއެކު، ލާމަރުކަޒީ ވާހަކަ ދައްކަމުން ދާއިރު އަދި ލާމަރުކަޒީ އުސޫލުން އަގުހެޔޮ ކަރަންޓާއި އިޔާދަ ކުރަނިވި ހަކަތައާއި ބޯފެންވެސް އަދި ނަރުދަމާގެ ނިޒާމާއި އެހެން އިންތިޒާމުތައް ހަމަޖެހިގެން ދާއިރު މިއަދުގެ ހާލަތަށް ވިސްނާލަން ޖެހޭ ކަމަށް ރިޒާ ވިދާޅުވިއެވެ. ރިޒާ ވިދާޅުވީ، އުތުރާއި ދެކުނުންވެސް ކެއުން ބުއިމަށް ނުވަތަ ޒަރޫރީ ބޭނުންތަަކަށް އެއްޗެއް ބޭނުންވި ކަމުގައި ވިޔަސް އަންނަން ޖެހެނީ މާލެއަށް ކަަމަށެވެ. އެގޮތުން ފުށް، ހަނޑޫ، ހަކުރު، ތެޔޮ، ގޭސް، ބޯ ފެންވެސް ގަންނަން އަންނަން ޖެހެނީ މާލެއަށް ކަމަށާއި އެ ގުދަންތައް މާލެގާއި ހުރެ މާލޭގެ އެއްފަޅި އޮތީ ގުދަންތަކުން ފުރިފައި ކަމަށެވެ.
މާލެ ހުސްކުރާ ވަހާކައާއި މާލެއަށް ޖާގަ ބޭނުންވާ ވާހަކަ އަބަދާ އަބަދު ދައްކަމުން ދާއިރު، އެސްޓީއޯގެ ގުދަންތައް ވެސް ލާމަރުކަޒު ކުރެވެން ޖެހޭނެ ކަމަށް ރިޒާ ވިދާޅުވިއެވެ. ރާއްޖޭގެ
