ހައިވޭގައި މިއަދު ދެ ސައިކަލެއް ޖެހި ނުރައްކާތެރި އެކްސިޑެންޓް ހިނގައިފިއެވެ.
މި ހާދިސާއާ ގުޅިގެން ފުލުހުން ބުނީ، މިއަދު މެންދުރު 12:06 ހާއިރު މާލެ އިން ހުޅުމާލެ އަށް ދާން އޮންނަ ހައިވޭގައި ދެ ސައިކަލު ޖެހި އެކްސިޑެންޓް ވެގެން ފުލުހުންނަށް ހުށަހަޅާފައިވާ ކަމަށެވެ. އަދި މި އެކްސިޑެންޓް ހިނގީ މާލެ އިން ހުޅުމާލެ އަށް ދިޔަ ސައިކަލެއް ހައިވޭ ހަތަރު ލޭނު ސަރަހައްދުން ކަހައިލައިގެން ދިޔަ މަންޒަރު ބަލަން ފަހަތުން އައި ސައިކަލެއް މަޑުކޮށްގެން އިންދާ، އޭގެ ފަހަތުން އައި ސައިކަލެއް، މަޑުކޮށްގެން އިން ސައިކަލުގައި ޖެހި، ކަމަށް ފުލުހުން މައުލޫމާތު ދެއެވެ.
މި ހާދިސާގައި ކަހާލި ސައިކަލުގައި އިން މީހާއާއި އެކްސިޑެންޓު ވި ސައިކަލުގައި އިން މީހާއަށް އެކި ވަރުގެ އަނިޔާ ލިބުމާ ގުޅުގެން އަނިޔާވި ދެ މީހުން ހުޅުމާލެ ހޮސްޕިޓަލަށް ގެންގޮސް ފަރުވާ ދެމުން އަންނަ ކަމަށް ފުލުހުން މައުލޫމާތު ދެއެވެ. އަދި މި އެކްސިޑެންޓުގައި އެކްސިޑެންޓު ވި އެއް ސައިކަލާއި ކަހާލައިގެން ވެއްޓުނު ސައިކަލަށް އެކި ވަރުގެ ގެއްލުން ލިބިފައި ވާ ކަމަށް ވެސް މައުލޫމާތު ދެއެވެ.
މި ހާދިސާ ފުލުހުން ތަހުގީގު ކުރަމުން ދާއިރު، މި ހާދިސާގައި ހިމެނޭ ތިން އުޅަނދު ދުއްވި ތިން މީހުންގެ އަތުގައި ވެސް އެއްގަމު އުޅަނދު ދުއްވުމުގެ ލައިސެންސް އޮންނަ ކަމަށް ފުލުހުން ބުނެއެވެ.
