ހިޔާލު ތަފާތުވުމަކީ ހަމަނުޖެހުން އުފައްދަން ޖެހޭ ސަބަބެއް ނޫން ކަމަށާއި އެއީ ދިވެހިން ދާން ބޭނުންވާ ހިސާބެއް ނޫން ކަމަށް ރައްޔިތުން މަޖިލީހުގެ ރައީސް، ރައީސް މުހައްމަދު ނަޝީދު ވިދާޅުވެއްޖެއެވެ.
އަހްމަދިއްޔާ އިންޓަނޭޝަނަލް ސުކޫލްގެ އަހަރީ އިނާމު ދިނުމުގެ ޖަލްސާ ޝަރަފުވެރި ކޮށްދެއްވާ ވާހަކަފުޅުދައްކަވަމުން ރައީސް ނަޝީދު ވިދާޅުވީ ހިޔާލު ތަފާތުވާ މީހާއާ މެދު އަނިޔާވެރިވާން ޖެހޭ ކަމަށް މުޖުތަމައުގެ ބައެއް ފަރާތްތަކުން ބުނަމުންދާ ކަމަށެވެ. ރަނގަޅާ ނުބައި އެކި މީހުން ދެކޭނީ އެކި ގޮތަށް ކަމަށް ރައީސް ނަޝީދު ވިދާޅުވިއެވެ.
ރައީސް ނަޝީދު ވިދާޅުވީ ހިޔާލު ތަފާތުވުމުގެ ސަބަބުން އެތައް ގައުމެއްގައި އެތައް ހަމަނުޖެހުންތަކެއް ހިނގާފައިވާ ކަމަށެއެވެ. އެމަނިކުފާނު ވިދާޅުވީ މިއަދު އެ މަންޒަރުތައް ރާއްޖެއިން ނުވަތަ ވެރިރަށް މާލެއިން ނުފެންނާނެ ކަމަށް ހީކޮށްގެން ނުވާނެ ކަމަށެވެ.
"އެއްގޮތަކަށްވެސް އަޅުގަނޑު ދަންނަވާނީ ހިތަށް ނާރުވައްޗޭ އެ މަންޒަރު މި މާލޭން ވެސް ނުފެނިދާނެ ކަމަށް. ވަރަށް ބުއްދިވެރި ކަމާއެކީގައި ވަރަށް ވިސްނުން ތެރިިކަމާ އެކީގައި އަޅުގަނޑުމެންގެ ކަންކަން ނުގެންގޮސްފިނަމަ، އަޅުގަނޑަށް ފެންނަ ފެނުމުގައި ޚަރާބުގެ އައްސޭރިއަށް، ތި ބޭފުޅުންގެ ޖީލު ތި ކުދިންގެ ޖީލު ގޮސްދާނެ" ރައީސް ނަޝީދު ވިދާޅުވިއެވެ.
ރައީސް ނަޝީދު ވިދާޅުވީ ގައުމު ސަލާމަތުގެ އައްސޭރިއަކަށް ގެންގޮސް ދިނުމަކީ އެމަނިކުފާނުގެ ޒިންމާއެއް ކަމަށެވެ. ނަމަވެސް ވަރަށް ވިސްނުންތެރިކަމާއި ބުއްދިވެރިކަމާ އެކު ކަންކަން ނުކޮށްފި ނަމަ ހަރާބުގެ އައްސޭރި އަކަށް ރާއްޖެ ހިނގައިދާނެ ކަމަށް ރައީސް ނަޝީދު ވިދާޅުވިއެވެ.
ރައީސް ނަޝީދުގެ މިވާހަކަފުޅުތަކުގެ އަމާޒަކީ، އެމްޑީއެނުން ނެރުނު ރިޕޯޓާ ގުޅިގެން ދީނީ އިލްމުވެރިންނެ ރުޅިވެރިކަމުގެ އިތުރުން މަދު ދިވެއްސެއް ފިޔަވައި މުޅި ރާއްޖެ އެ ރިޕޯޓު ކުށްވެރިކޮށް އެމްޑީއެންގެ އިސްފަރާތްތަކަށް ފިޔަވަޅު އަޅުމަށް ގޮވަމުން ދާތީ އެކަމާ ކަންބޮޑުވެވަޑައިގަތުން ކަމަށް ބެލެވެއެވެ.
ޢެހެން ވިޔަސް އިސްލާމް ދީނަށް ފުރައްސާރަ ކުރުމަކީ ހަމަނުޖެހުން އުފައްދަން ކުރާ ކަމެއް
2005 ކުން ފެށިގެން މި ޤައުމުގަ ހަމަނުޖެހުން ހިންމުގަ ފޫގަޅާފަ ތި ހުރީ ހަމަ ތި ނަޝީދު. އަފުރާޝީމް އަވަހާރަކޮށްލި މީހުން މިހާރު ހަމަ ބުނެދީ. އެވެސް ހަމަނުޖެހުން ހިންގުމަށް ކުރިކަމެއް. ބޮމްބޭގެ ތާޖު ހޮޓަލަށް ހަމަލާދިނުމުގަ ދިވެހިން ބައިވެރިވިކަމަށް ރައީސުލް ޖުމްހޫރިއްޔާގެ މަޤާމުގަ ހުރެ ބުނީ އިންޑިޔާއަށް ވާއަޅުވަންތަ ނޫނީ އެކަމުގަ ނަޝީދު ބައިވެރިވެފަވާތީތަ. ނަޝީދު މަސައްކަތްކުރަނީ ގަދަކަމުން ދިވެހިންނަކީ ހަރުކަށިބަޔަކަށް ހަދާ މިތަނުން އިސްލާމިން ނައްތާލާ ގެރިގެންގުޅޭ ފާމަކަށް ރާއްޖެ ބަދަލުކުރަން. ﷲއިރާދަކުރެއްވިއްޔާ އެކަމެއްނުވާނެ.