އައްޑޫ ލިންކް ރޯޑުގައި ނުރައްކާތެރި އެކްސިޑެންޓެއް ހިނގައި 5 މީހަކަށް އަނިޔާ ވެއްޖެއެވެ. ފުލުހުން ބުނީ މިއެކްސިޑެންޓް ހިނގާފައި ވަނީ ދުއްވާފައި ދިޔަ ޕިކަޕެއްގެ ފުރޮޅު ފަޅައިގެން ދިއުމުގެ ސަބަބުން ކަމަށެވެ.
ފިކަޕު ދުއްވަމުން ދިޔަ އިރު ޕިކަޕުގެ އެތެރޭގައި 2 މީހުނާއި ފަހަތުގައި 3 މީހުން ތިބި ކަމަށްވެސް ފުލުހުން ބުނެއެވެ. އަދި ބޮޑަށް އަނިޔާވެފައިވަނި ޕިކަޕުގެ އެތެރޭގައި ތިބި ދެމީހުނަށް ކަމަށްވެސް ފުލުހުން ބުނެއެވެ.
މި އެކްސިޑެންޓުގައި އަނިޔާވި 5 މީހުނަށް މިހާރު ގެންދަނީ ފަރުވާ ދެމުންނެވެ.
އައްޑޫ ލިންކް ރޯޑަކީ ދޭތެރެ ދޭތެރެއިން ބޮޑެތި އެކްސިޑެންޓްތައް ހިނގާ މަގެކެވެ. ބައެއް އެކްސިޑެންޓްތައް ހިނގާފައި ހުރީ ފަރުވާ ކުޑަކޮށް ދުއްވައިގެން ކަން ފާހަގަ ކުރެވެއެވެ.
