ރައީސް ޔާމީންގެ ޝަރީއަތް: ހުކުމް ކުރުން އަންނަ މަހު 5 ގައި

ހުލާސާ ބަޔާން އިއްވާ ނިމުމާއި އެކު މިއަދުގެ އަޑުއެހުން ނިންމާލައިފި

ފުލުހުން ދަނީ އަދިވެސް މުޒާހަރާ ކުރަމުންދާ މީހުން ކޯޓާއި ދުރަށް ޖެއްސުމަށް މަސައްކަތް ކުރަމުން

މި މައްސަލާގައި ކޮށްފައިވާ ތަހުގީގަކީ ބާތިލު ތަހުގީގެއް

ޝަރީއަތުގައި ދައްކާފައި ހުރި ވާހަކަތައް ތަކުރާރު ކުރާތީ ގާޒީ ހައިލަމް ވަނީ އެކަން އެހެން ނުކުރުމަށް ތަކުރާރުކޮށް ވިދާޅުވެ، ތަކުރާރު ކުރުމަށް ހުއްދަ ނުދެއްވޭނެ ކަމަށް ވިދާޅުވެފައިި

މުޒާހަރާގެ ބައިވެރިން ވަނީ ނޫސްވެރިކަމުގެ މިނިވެން ކަމަށާއި، އެއްވެ އުޅުމުގެ މިނިވަން ކަމަށް އަރާ ގަންނަ ކަމަށް ބުނެ އަޑުއުފުލަމުން

މުޒާހަރާގެ ބައިވެރިންނަށް އެކިވަރުގެ އަނިޔާވަމުން ދަނީ، ފުލުހުން ދަނީ، ބައިވެރިން އެ ސަރަހައްދާއި ދުރުކުރުމަށް އިށީނދެ ތިބި މީހުން އަތުގައި ހިފާ ކޮޅަށް ނަގަމުން

ފުލުހުން ދަނީ، މުޒާހަރާގެ ބައިވެރިން ކޯޓާއި ދުރަށް ޖައްސަމުން

ކްރިމިނަލް ކޯޓު ސަރަހައްދުގައި ރައީސް ޔާމީންގެ ސަޕޯޓަރުން ދަނީ، އަޑުގަދަކޮށް މުޒާހަރާ ކުރަމުން، އެމީހުން ގޮވަލަނނީ ސިޔާސީ ދައުވާ ނުކުރުމަށް

ދިފާއީ ވަކީލުން ވިދާޅުވީ، ރައީސް ޔާމީންގެ ފަރާތުން ހުލާސާ ބަޔާން ހުށަހެޅުމަށް އަދި އިތުރު 1 ގަޑިއިރު ނަގާނެ ކަމަށް 

ބްރޭކަކަށް 10 މިނިޓަށް ޝަރީއަތް މެދު ކަނޑާލައިފި

ޝަރީއަތުގެ ވަގުތު ބޭކާރު ވާތީ، ކުރިން ދައްކަވާފައި ހުރި ވާހަކަތައް ތަކުރާރު ނުކުރައްވާ

ޤުރުއާނުގެ އާޔަތްތަކުން މިސާލު ނަންގަވާ، ދިފާއީ ވަކީލު އެ އާޔަތްތަކާއި، އާޔަތްތަކުގެ މާނަ ވިދާޅުވެދެއްވަނީ

މުއައްވިޒު ވަނީ ޝަރީއަތުގައި ދޮގު ހަދާފަ

ޒިޔަތުގެ ހެކިބަހުގަިއ ކޮންސިސްޓެންސީ އެއް ނެތް، އޭނާ ހެކިބަސް ދީފައިވަނީ އެހެން ނިޔަތެއްގައި

ރާއްޖެއާއި، ދުނިޔޭގެ މަނީ ލޯންޑާ ކުރުން ހުއްޓުވުމަށް ގާނޫނެއް އޮންނަ ކޮންމެ ގައުމެއްގގައި ވެސް އޮންނަނީ މަނީ ލޯންޑަރިންގެ ކުށަކަށް ވާނީ ކުށް ކުރާ މީހާއަށް އެކަން އެނގި ހުރެ ކުރުން 

ރައީސް ޔާމީން އަމަލު ކޮށްފައިވަނީ، މަނީ ލޯންޑާ ކުރުމުގެ ނިޔަތުގައެއް ނޫން

ހުލާސާ ބަޔާން އިއްވުމުގައި ދީނީ އިލްމުވެރިންނާއި ހަވާލާދީ ވާހަކަ ދައްކަވަނީ

ޒިންމާދާރު ކަމާއެކު ވަގުތު އޮތްވާ ބަޔާން ހޯދަން އުޅުނު ނަމަ ބަޔާން ލިބިފަ އޮންނާނީ. ބަޔާން ހޯދަން އުޅެން ޖެހެނީ 2 ދުވަސް ކުރިންނެއް ނޫން!

ބަޔާންތައް ދިފާއީ ވަކީލުންނަށް ނުލިބުނީ، ދިފާއީ ވަކީލުން އެ ބަޔާނުގެ ކޮޕީ ބޭނުންވުމުން. ހެކިވެރިންގެ ބަޔާނުގެ ކޮޕީ ލިބޭނީ އެ ބަޔާނުގައި ސޮއި ކުރުމުން. ދައުވާ ލިބޭ ފަރާތުން ސޮއި ނުކޮށްގެން ވެސް ބަޔާނުގެ ކޮޕީ ނެގުން ލަސްވެފައި އެބަހުރި

ދައުލަތުގެ ހެކިން ޝަރީއަތުގައި ދައްކާފައިވާ ވާހަކައިގެ ބަޔާން ހޯދުމަށް ހުށަހެޅިން، ނަމަވެސް ލިބިފައެއް ނުވޭ

ދިފާއީ ވަކީލުން ހުލާސާ ބަޔާން ހުށަހަޅަން ފަށައިފި

ދައުލަތުގެ ހުލާސާ ބަޔާން އިއްވާ ނިމިއްޖެ

ރައީސް ޔާމީން ފުލުހުންނަށް ދެއްވާފައިވާ ބަޔާން

އެއް މިލިއަން ޑޮލަރު ބަހައްޓަން އެސްކްރޯ އެކައުންޓް ހުޅުވަން އޭސީސީ އާއި ރައީސް ޔާމީން އާ ދެމެދު ހަދާފައިވާ އެއްބަސްވުން

1. ބޭންކް އޮފް މޯލްޑިވްސްގެ ޑެޕިއުޓީ ސީއީއޯ މުހައްމަދު ޝަރީފް
2. ކުރީ ސަރުކާރުގެ ރައިީސް އޮފީހުގެ މިނިސްޓާ އޮފް ސްޓޭޓް އިކޮނޮމިކް އެންޑް ޑިވެލޮޕްމަންޓް މުހައްމަދު ލުވައިސް
3. ކުރީގެ ސަރުކަރުކާގެ ޓުއަރިޒަމް މިނިސްޓަރު މޫސާ ޒަމީރު
4. މުހައްމަދު ވަސީމް އިސްމާއިލް (އެންސިސް ވަސީމު) 
5. ކުރީގެ ނައިބު ރައީސް އަހުމަދު އަދީބު
6. އެމްއެމްޕީއާރުސީގެ ކުރީގެ މެނޭޖިން ޑިރެކްޓަރު އަބްދުﷲ ޒިޔަތު
7. އޭސީސީގެ ކުރީގެ ރައީސް ހަސަން ލުތުފީ
8. އޭސީސީގެ މިހާރުގެ ރައީސް މުއައްވިޒު ރަޝީދު

މިހާތަނަށް ދައުލަތުގެ ފަރާތުން ހުށަހަޅާފައިވާ ހެކިތަކާއި ހެކިވެރިންގެ ހެކިބަހުގެ ހުލާސާ އިއްވަނީ

ކްރިމިނަލް ކޯޓުގެ އިސް ގާޒީ އަހްމަދު ހައިލަމް ވަޑައިގަތުމާއި އެކު ޝަރީއަތުގެ މަޖިލިސް ފަށައިފި