ޔާމީންގެ ޝަރީއަތް: މިއަދުގެ އަޑުއެހުން ނިންމާލައިފި. ދެން އަޑުއެހުމެއް އޮންނާނީ އޮކްޓޯބަރު 10 ގައި

ހެކިބަސް ނަގާ ނިމުމާއި އެކު ޝަރީއަތުގެ މަޖިލީސް ނިންމާލައިފި

އޮކްޓޯބަރު 10 ވަނަ ދުވަހު 1:00ގައި އޮންނަ އަޑުއެހުމުގައި ހުލާސާ ބަޔާން ހުށަހެޅުން އޮންނާނެ

މުއައްވިޒު ވިދާޅުވީ، ރައީސް ޔާމީން ގާތަށް ގޮސް ނެންގެވީ މައުލޫމާތު ސާފު ކުރުމުގެ ބަޔާނެއް ކަމަށާއި ތުހުމަތު ކުރެވިގެނެއް ނޫން.

މި ދައުވާ އުފުލިގެން އުޅޭތީ ހިތާމަކުރަން. ފުލުހުންގެ ބޭނުމަށް އެމްއެމްއޭއިން އެސްޓީއާރުތައް ނެރުނީ މާފަހުން. އެހެންވީމާ މިއީ ސަރުކާރުން ބޭނުންވެގެން އުފުލައިގެން އުޅޭ ދައުވާއެއް ކަމަށް އަޅުގަނޑަށް ގަބޫލުކުރެވޭ

އަޅުގަނޑުގެ ގުޑް ވިލް ނުވަތަ ހެޔޮ ނިޔަތް އަޅުގަނޑު ދައްކާ ދީފިން

ވޮޑަމުއްލާގެ އިކުއިޒިޝަން ކޯސްޓުން ލިބުނު 1 މިލިއަން ޑޮލަރު އަޅުގަނޑުގެ އެކައުންޓަށް ވަނދެފައެއް ނުވޭ. އެކަން ދައުލަތަށް ސާބިތެއް ކޮށް ނުދެވޭނެ. ނުވެސް ކޮށްދެވޭނެ.

އެސްއޯއެފުން އަޅުގަނޑުގެ އެކައުންޓުން އެހެން މީހެއްގެ އެކައުންޓަކަށް ބަދަލެއް ނުވޭ. އެ ބަދަލުވީ އަޅުގަނޑުގެ އެހެން އެކައުންޓަކަށް، އެއީ ފައިސާގެ އަސްލު އޮޅުވާލުން ކަމަކަށް ބެލެވިގެން ނުވާނެ

އޭސީސީގެ ކުރީގެ ރައީސް ހަސަން ލުތުފީ ދެއްވާފައިވާ ބަޔާނުގެ ވީޑީއޯ ރިކޯޑިން ބަލަން ނިންމައިފި

މުއައްވިޒު ދެއްވި ހެކި ބަހުގައި ވިދާޅުވި ވާހަކަތަކަށް ބާރު ލިބޭ ފަދަ އިތުރު ހެއްކެއް ހުށަހަޅާފައެއް ނުވޭ

ޒިޔަތާއި އަދީބަކީ ޖިނާއީ ބޮޑެތި ކުށްތަކަށް އަރައިގެންފައިވާ މީހުންނަށް ވާތީ އެއީ ހެކިން ކަމުގައި ބެލެވިގެން ނުވާނެ

މުޅި މައްސަލައަށް ބެލުމުން މަނީ ލޯންޑާ ކުރުމުގެ ނިޔަތުގައި ދައުވާ ލިބޭ ފަރާތުން އެއްވެސް ކަމެއް ކޮށްފައިނުވާ ކަމަށާއި، އެ ފައިސާއަކީ ކުށްކޮށްގެން ހޯދާފައިވާ ފައިސާކަން ކަނޑައަޅާފައިނުވާއިރު ވެސް އަމިއްލައަށް އިސްނަގައިގެން އެކްސްކްރޯ އެކައުންޓެއްގައި އެ ފައިސާ ބަހައްޓަން އެއްބަސްވެފައިވުމަކީ ކުށްކުރުމުގެ ނިޔަތެއް ދައުވާ ލިބޭ ފަރާތުގައި ނެތްކަން ހާމަވޭ

އެކްސްކްރޯ އެއްބަސްވުމާ ރައީސް ޔާމީން ހިލާފުވެފައިވާކަން އޭސީސީން މިހާތަނަށް ބުނެފައިނުވާއިރު، ދެފަރާތެއްގެ މެދުގައިވެފައިވާ މަދަނީ އެއްބަސްވުމެއްގެ ތެރެއަށް ތިން ވަނަ ފަރާތަކުން ވަދެ، ދައުވާ ލިބޭ ފަރާތުން އެ އެއްބަސްވުމާ ހިލާފުވެފައިވާކަމަށް ބުނުމުގެ އެއްވެސް ގާނޫނީ ހައިސިއްޔަތެއްނެތް 

ރައީސް ޔާމީންގެ އެކައުންޓަށް ޖަމާކޮށްފައިވާ ފައިސާއަކީ ސީދާ ހިޔާނާތުގެ ފައިސާކަން އޭސީސީން މިހާތަނަށް ނިންމާފައިނުވާއިރު، މިފަދަ ދައުވާއެއް ކުރުމަކީ އޭސީސީން ކުރަމުންދާ ތަހުގީގަކަށް ދައުލަތުން ނުފޫޒު ފޯރުވުމުން 

ދިފާއުން އިތުރަށް ބުނީ އެސްކްރޯ އެކައުންޓެއްގައި ފައިސާ ބަހައްޓަން ހުށަހެޅީ ޔާމީން ކަމުން، އެކަމުން އެމަނިކުފާނުގެ ނިޔަތް ރަނގަޅުކަން ސާފުވާ ކަމަށް

އެކްސްކްރޯ އެއްބަސްވުމާއި ރައީސް ޔާމީން ހިލާފުވެފައިވާ ކަމަށް އޭސީސީން މިހާތަނަށް ބުނެފައި ނުވޭ. އަދި ޝަރީއަތަށް ހާޒިރުކުރި އެ ކޮމިޝަންގެ ނާއިބު ރައީސް މުއައްވިޒު ރަޝީދުވެސް ރައީސް ޔާމީނަށް ތުހުމަތުތަކެއް ނުކުރައްވާ ކަމަށް ވިދާޅުވެފައިވާ ކަމަށް ދިފާއުން ވަނީ ބުނެފައި.

ރައީސް ޔާމީންގެ އެކައުންޓަށް ޖަމާކޮށްފައިވާ ފައިސާއަކީ ސީދާ ހިޔާނާތުގެ ފައިސާކަން އޭސީސީން މިހާތަނަށް ނިންމާފައިނުވާ ކަމަށް ދިފާއުން ފާހަގަކުރި

އެސްއޯއެފް އެކައުންޓުން ގިނަ މުއާމަލާތްތަކެއް ކޮށްފައިވާއިރު، ދައުލަތުން އެފަދަ ބައެއް މުއާމަލާތްތައް ވަންހަނާކޮށްފައިވާތީ އެކަމާއި މެދު ކަންބޮޑުވުން ވަނީ ފާޅުކޮށްފައި.

ރައީސް ޔާމީންގެ އެކައުންޓަށް ފުރަތަމަ 500،000 އެމެރިކާ ޑޮލަރު ޖަމާކުރިއިރު، 1.8 މިލިއަން އެމެރިކާ ޑޮލަރު ހުރި ކަމަށް ރައީސް ޔާމީންގެ ފަރާތުން ބުނެފި. އަދި ބުނީ އެސްއޯއެފްއަކީ ގިނަ ވިޔަފާރީގެ މުއާމަލާތްތަކެއް ކުރި ކުންފުންޏެއް ކަމަށް. ދެވަނަ ފަހަރަށް 500،000 އެމެރިކާ ޑޮލަރު ޖަމާކުރިއިރު 1.3 މިލިއަން ޑޮލަރަށްވުރެ ގިނަ ޑޮލަރު ހުރި ކަމަށްވެސް ރައީސް ޔާމީން ފަރާތުން ޝަރީއަތުގައި ވަނީ ބުނެފައި.

އެމްއެމްޕީއާރުސީ އާއި އެސްއޯއެފް އާދެމެދު 10 މިލިއަން އެމެރިކާ ޑޮލަރުގެ ސައްހަ މުއާމަލާތްތަކެއް ހިންގާފައިވާކަން ސިވިލް ކޯޓުން ކުރި ހުކުމެއްގައި ބުނެފައިވާ ކަމަށް ދިފާއުން ފާހަގަކޮށްފި. އެސްއޯއެފުން ކުރި ހުރިހާ މުއާމަލާތްތަކަކީ ގާނޫނާ ހިލާފު މުއާމަލާތްތަކެއްކަމެއް ޝަރުއީ ކޯޓަކުން މިހާތަނަށް ކަނޑައަޅާފައިނުވާކަމަށް ވެސް ދިފާއުން ފާހަގަކޮށްފި.

ދައުލަތުގެ ފަރާތުން ރައީސް ޔާމީންއާ ދެކޮޅަށް ހުށަހަޅާފައިވާ ކިތާބީ ހެކިބަހާ ގުޅޭގޮތުން ވާހަކަ ދައްކާ ނިންމައިފި. މިހާރު ދިފާއުން ހުށަހަޅާފައިވާ ކިތާބީ ހެކި ހުށަހަޅަން ޝަރީއަތުން ވަނީ ފުރުސަތު ދެއްވާފައި. ދިފާއުގައި ހުށަހަޅާފައިވަނީ މަރުކަޒީ ބޭންކް އެމްއެމްއޭއިން ނެރެފައިވާ ބަޔާނެއް.

ދައުލަތުން ބުނީ ރައީސް ޔާމީންގެ އެކައުންޓަށް ޖަމާކުރި އެއް މިލިއަން ޑޮލަރަކީ ކުށްކޮށްގެން ހޯދާފައިވާ ފައިސާކަން ޝައްކު ކުރެވޭ ހާލަތެއް އޮތް އިރު، އެ ފައިސާ އިން މަންފާ ހޯދަން އިންވެސްޓްކޮށްފައިވާކަން ހެކިންގެ ހެކިބަހާއި ކިތާބީ ހެކިތަކުން އެނގެން އޮތް ކަމަށް

މައްސަލަ ސާބިތު ކުރުމަށް ދައުލަތުން އޮޑިޓު ރިޕޯޓެއް ވެސް ކިތާބީ ހެއްކެއްގެ ގޮތުގައި ވަނީ ހުށަހަޅާފައި

އެކްސްކްރޯ އެކައުންޓުގައި ބަހައްޓަން ޖެހޭ އެއް މިލިއަން ޑޮލަރު އިސްލާމިކް ބޭންކުގެ އިންވެސްޓުމަންޓު އެކައުންޓަށް ޓްރާންސްފާ ކުރީ އެ ފައިސާގެ އަސްލު އޮޅުވާލަން ކަމަށް ދައުލަތުން ބުނޭ

ދައުލަތުގެ ފަރާތުން މިހާރު ހުށަހަޅަމުން ދަނީ ކިތާބީ ހެކިތައް

ލުތުފީ ފުލުހުންގެ ތަހުގީގަށް ދިން ހެކި ބަހުގެ ރެކޯޑިންގް ބެލުމަށް ޝަރީއަތުގެ މަޖިލީހުން ނިންމައިފި.

ޔާމީންގެ ފަރާތްޕުޅުން ހެއްކެއްގެ ގޮތުގައި ހުށަހަޅާފައިވާ ކުރީގެ ގަވަރުނަރު އަޒީމާ އާދަމްގެ ފަރާތުން ކޯޓަށް ހާޒިރުވާން އުޒުރުވެރިވާ ކަމަށް ވިދާޅުވެ ސިޓީއެއް ވަނީ ފޮނުވާފައި
އެ ސިޓީގައި އޭނާއަކީ ރާއްޖެއިން ބޭރުގައި ވަޒީފާގައި އުޅޭ މީހަކަށް ވާ ވާހަކައާ އެ މައްސަލާގައި އޭނާއަށް އަދާކުރެވޭނެ ރޯލެއް އޮތް ކަމަށް ނުފެންނަ ވަނީ ވިދާޅުވެފައި

ކުރީގެ ގަވަރުނަރު އާޒިމާ އާދަމް ރާއްޖެއިން ބޭރުގައި ހުންނެވުމުން އޭނާއަށް ކޯޓަށް ހާޒިރު ނުވެވޭނެކަމަށާއި އަދި ހެކިބަސް ދެއްވުމަށް އުޒުރުވެރިވާކަމަށް ވަނީ ކޯޓަށް ސިޓީއަކުން ހުށަހަޅަފަ. އާޒިމާ އިތުރަށް ކޯޓަށް ހާޒިރު ނުކުރމަށް ނިންމާ ކަމަށް ހައިލަމް ވިދާޅުވެއްޖެ

ރައީސް ޔާމީން ކޯތަށް ހާޒިރުވެވަޑައިގެންފި

މިއަދު އަބްދުﷲ ޔާމީންގެ ޝަރީއަތް ފެށުމަށް ކްރިމިނަލް ކޯޓުގައި ތާވަލްކޮށްފައިވާ ގަޑިއަކީ 9:30. މިހާރު ދައުލަތުގެ ވަކީލުންނާއި ރައީސް ޔާމީންގެ ވަކީލުން ކޯޓަށް ހާޒިރުވެއްޖެ. އަދި ރާއިސް ޔާމީން ކޯޓަށް ހާޒިރުވެވަޑައެއް ނުގަންނަވާ