މާލޭ ނޯތު ހާބަރުގައި އޮތް ބޯޓެއްގައި ގޭސް ފުޅިއެއް ގޮވައި ހަ މީހަކަށް އަނިޔާވެއްޖެ އެވެ.
ފުލުހުންގެ މީޑިއާ އޮފިޝަލް މައުލޫމާތުދޭ ގޮތުގައި މާލޭ ނޯތު ހާބަރުގައި އޮތް ބޯޓެއްގައި ގޭސް ފުޅިއެއް ގޮވި ހާދިސާ ފުލުހުންނަށް ރިޕޯޓު ކޮށްފައި ވަނީ މިރޭ 7:15 ހާއިރު އެވެ. އެ ހާދިސާގައި ހަ މީހަކަށް އަނިޔާ ވެފައި ވާއިރު، މި ހަ މީހުންނަށްވެސް މިހާރު އައިޖީއެމްއެޗްގައި ފަރުވާ ދެމުން ދާކަަށް ފުލުހުން ބުނެއެވެ. މި މީހުންނަށް ލިބިފައިވާ އަނިޔާތަކުގެ ތަފްސީލެއް އަދި ލިބިފައެއް ނުވެއެވެ. ފުލުހުން ބުނީ އެ ހާދިސާގައި އަނިޔާ ވެފައި ވަނީ 4 ދިވެއްސަކަށާއި، 2 ބިދޭސީއަކަށް ކަމަށެވެ.
އަދި އެ ހާދިސާއާއި ގުޅޭ އިތުރު މައުލޫމާތު ލިބެމުންދާ ވަރަކަށް ހިއްސާ ކުރަމުން ގެންދާނެ ކަމަށް ފުލުހުން ބުންޏެވެ.
