ސ. ހިތަދޫ ޕޯޓް ސަރަހައްދުން ސައިކަލެއްގައި ދިޔަ މީހަކު މޫދާ ދިމާލަށް ހުރި ހިލަތަށް މައްޗަށް ވެއްޓި، ބޮޑެތި އަނިޔާތަކެއް ލިބި، ހާލު ސީރިއަސް ވެއްޖެއެވެ.
މި ހާދިސާއާ ގުޅިގެން ފުލުހުން ބުނީ، ޕޯޓް ސަރަހައްދުން ސައިކަލެއްގައި ދިޔަ 47 އަހަރުގެ ދިވެހި ފިރިހެނަކު މޫދާ ދިމާލަށް ހިލަތަށް މައްޗަށް ވެއްޓިފައިވަނީ މިއަދު ހެނދުނު 8:01 ހާއިރު ކަމަށެވެ. އަދި މި ހާދިސާގައި އަނިޔާވި މީހާ ހިތަދޫ ރީޖަނަލް ހޮސްޕިޓަލަށް ގެންގޮސްފައެވެ.
ހިތަދޫ ރީޖަނަލް ހޮސޕްިޓަލުގެ އައިސީޔޫގައި އެމީހާއަށް ފަރުވާ ދެމުން ދާއިރު، އެމީހާގެ ހާލު ސީރިއަސް ކަމަށް އެ ހޮސްޕިޓަލުން މައުލޫމާތުދެއެވެ. އަދި އެމީހާ މާލެ ފޮނުވާލުމުގެ މަސައްކަތް ކުރަމުންދާ ކަމަށް ވެސް ހިތަދޫ ރީޖަނަލް ހޮސްޕިޓަލާ ހަވާލާދީ ފުލުހުން ބުނެއެވެ.
ފުލުހުން ދަނީ މި މައްސަލަ އިތުރަށް ތަހުގީގު ކުރަމުންނެވެ.
ރާއްޖޭގައި ހިނގާ މިފަދަ ހާދިސާތަކުގައި ފުލުހުންގެ އެހީތެރިކަން އާންމުންނަށް ލިބެމުންދެއެވެ.
