ސުޕްރީމް ކޯޓަށް އަންހެން ފަނޑިޔާރުން އައްޔަން ކުރުމާ ބެހޭ މައްސަލާގައި ތުޅާދޫ ދާއިރާގެ މެންބަރު ހިސާން ހުސެއިންގެ ރުޅިގަނޑު ފަޅައިގެން ހިނގައްޖެއެވެ.
ސުޕްރީމް ކޯޓަށް އަންހެން ދެ ފަނޑިޔާރުން އައްޔަން ކުރުމަށް ޖޭއެސްސީގެ ލަފަޔަކަށް އެދިވަޑައިގެން ރައީސް ދެ ނަމެއް ފޮނުއްވުމާ ގުޅިގެން، މިއަދު މަޖިލީހަށް ހުށަހެޅި ކުއްލި މައްސަލަ އަކަށް ބަހުސް ކުރައްވަމުން ހިސާން ވިދާޅުވީ، "މިހާރުވެސް 10 އަންހެން ފަނޑިޔާރުން އެބަތިއްބެވި ކަމަށާއި، އޭރު އެ 10 ފަނޑިޔާރުން އައްޔަން ކުރެވިގެން ދިޔައިރަކު އުޑުބޮލަށް ވެއްޓިގެންނެއް ބަޔަކު ނޫޅޭ" ކަމަށެވެ.
ހިސާން ވިދާޅުވީ، އަންހެނަކަށް ވީތީ، ފަނޑިޔާރު ކަމަށް އެމީހެއްގެ ނަން ނުފޮނުވައިފިނަމަ ހަގީގަތުގައި އެއީ ރައީސް ކުރައްވާ ގާނޫނާ ހިލާފު ކަމަކަށް ވެގެން ދާނެ ކަމަށް ވިދާޅުވެ ހިސާން ވަނީ ގާނޫނު އަސާސީގައިވާ ބައެއް މާއްދާތައް ފާހަގަ ކުރައްވާފައެވެ. އެގޮތުން، ހައްގުތަކާ މިނިވަންކަން ލިބުމުގައި އެމީހެއްގެ ޖިންސަށް ބަލާ ތަފާތު ކޮށްގެން ނުވާނެ ކަމަށާއި ގާނޫނުން ލިބިދޭ މަންފާތައް އެންމެންނަށް ހަމަހަމަކަމާ އެކު ލިބިދޭން ޖެހޭ ކަމަށާ އަދި އިހްތިޔާރު ކުރާ ކޮންމެ މަސައްކަތެއް ކުރުމުގެ ހައްގު ކޮންމެ މީހަށް ލިބިދޭން ޖެހޭ ކަން ވެސް ހިސާން ވަނީ ފާހަގަ ކުރައްވާފަވެ.
އަންހެނުންނަށް އެމީހުން ބޭނުންވާ ކޮންމެ މަސައްކަތެއް ކުރުމުގެ ހައްގު ލިބިގެން ވާއިރު، އަންހެނުންނަށް ފަނޑިޔާރުކަން ވެސް ކުރެވޭނެ ކަމަށް ހިސާން ވިދާޅުވިއެވެ. ހިސާން ވިދާޅުވީ، މިކަމަކީ "އުޑު ބޮލަށް ވެއްޓިގެން އުޅޭ ވަރު ކަމަކަށް" ހެދިޔަސް، މިއީ "ޗިކަން ލިޓްލް" ކިޔާ ކުޑަކުދިންގެ ވާހަކަ ނޫން ކަމަށެވެ.
ކުއްލި މައްސަލައަށް ބަހުސް ކުރައްވަމުން ހިސާން ވިދާޅުވީ، ފަނޑިޔާރުންނަށް ވުމުގެ ޝަރުތުތަކުގެ ތެރޭގައި، ފިރިހެނަކަށްވުން ބަޔާންކޮށްފައި ނެތް ކަމަށާ، ފަނޑިޔާރުކަން ކުރެވޭނީ ފިރިހެނުންނަށް އެކަނި ނޫން ކަމަށް މީގެ ކުރިން ވެސް މަޖިލީހުން ނިންމާފައިވާ ކަމަށެވެ. އަދި މިއަދު ކުއްލި މައްސަލަ ހުށަހަޅާ ބަހުސް ކުރަމުން މިދަނީ މާކުރިން ނިމިފައި އޮތް ބަހުސަކަށް ކަމަށް ހިސާން ވިދާޅުވިއެވެ.
މީގެ އިތުރުން ހިސާން ވިދާޅުވީ، ސާފު ދަލީލެއް ނެތް ކަމެއްގައި ތިމާ ދެކޭގޮތް ތިމާ ރުހޭ ގޮތް ނުވަތަ ތިމާ ބޭނުންވާ ގޮތަކީ ހަމައެކަނި ގޮތް ކަމަށް ބަލައި ދެކި، އަނެއް ގޮތަކީ ނުވަތަ އެހެން މީހުން ދެކޭ ގޮތަކީ ހަރާން ކަމެއް ކަމުގައި ދެކުމަކީ އަމަލުކޮށްގެން ވާނެ އެންމެ ރަނގަޅު ގޮތް ނޫން ކަމަށެވެ.
ކަމަނާބުނެބަލަ. ސާފުބަހުން ކީރިތހި ޤުރްއާންގައި ނެއްތޯ ބުރުގާ އަޅާ ނިވާކުރަން އަންގަވާފަ. ކީއްވެތޯނިވާ ނުކޮށް ތިހުރީ. ތީ ހެއްދެވި ފަރާތަށް ހަރާން ކޯރުވުން.
ޙެޔޮވިސްނުން ދެއްވާށި. ބޭނުމީ ޑިމޮކްރަސީއެއް ނޫން، ބޭނުމީ އިސްލާމީ ޝަރީޢަތް ފުރިހަމައަށް ހިނގާ ގޮތަށްވާން. މިޒަމާނުގެ ޑިމޮކްރަސީއަކީ ދީނާއި ބީރައްޓެހި ފިތުނަފަސާދަ އުފައްދާ އަބަުވެސް އިސްލާހްގެ ނަމުގައި ޖަރީމާ ހިންގާ ހުޅަނގުން އުފަންކޮށްގެން އުޅޭ ބައްޔެއް. ޢަޑުހަރުކޮށްފަ ބުންޏަސް، ތެޅިފޮޅުނަސް ޑޮންޑޮން ފުޅިއަކަށް ހީސް ލާބަލަ! ނުވާނެ، މި ކޮމެންޓް ނުޖަހާނެކަން ޔަޤީން
ހިސާން ޔަޤީން ކޮށްދެންވީ ފިރިހެނުންގެ ޖަމާޢަތެއްގެ އިމާމަކަށް އަންހެނަކަށް ހުރެވިދާނެހެއްޔެވެ؟ މީ ﷲގެ ޤާނޫނު އަސާސީގަ މިކަންއޮތްގޮތް ނޫންހެއްޔެވެ؟
ރުޅިގަނޑު ފަޅައިގެންގޮސް މީހާ ދުޅަވިއަސް ޙަޤީޤަތް ވާނީ ޙަޤީގަތަށެވެ. އެއްވެސް އަންހެނަކީ މިނިވަނެއްނޫނެވެ. މިނިވަން މުސްތަޤިއްލު އެއްވެސް އިދާރާއެއްގެ އެންމެމަތީ ވެރިކަން އަންހެނަކަށް ނުކުރެވޭނެ! މީ ދީން ކަނޑައެޅިގެން ނަހީކުރާކަމެއް! ޤައުމުގެ ވެރިކަމުގައި ފިރިހެނަކު ހުރިއްޔާ މުޅި ކެބިނެޓްގައިވެސް އަންހެނުންނަށް ތިބެވިދާނެ! މައުމޫނު ވެރިކަމުގައިހުރިއިރު، (ހަމައެކަނި ވެރިމީހާގެބާރުު ހުރިހައި ދިމާއަކަށް އޮތްކަހަލަގެ) ޤާނޫނެއް އޮތްނަމަވެސް ފަނޑިޔާރުކަން، އަދި ޤާޟީކަންވެސް އަންހެނުންނަށް ކުރެވޭނެ! އެއީ ފިރިހެނެއްގެ ބެލެނިވެރިކަމުގެ ދަށުންނޫނީ އެއްވެސް އަންހެނަކަށް އެއްވެސް ކަމެއްކުރުމުގެ ހުއްދަ ދީން ދީފައިނުވާތީ! އެއްވެސް ފަރާތެއްގެ ބާރެއްނުފޫޒެއް ނުފޯރާގޮތައްއޮތް ޢަދުލުއިންސާފުގެ ދާއިރާގައި މިއަދުތިބި އަންހެން ޤާޟީންނާއި ފަނޑިޔާރުންގެ މަޤާމު ތަކަކީ ބާތިލު މަޤާމުތަކެއް!
ތި ކަމާ އިދިކޮޅު ތި ވަނީ ހުސް ލާ ދީނީ ބައިގަނޑުކަން ވަރަށް ސާފު. ތީގެން އެކަކުވެސް އަައުރަ ނިވާ ނުކުރޭ ވިއްޔާ. އަދި މައުމޫން އަންނި މިހެން ގޮސް ކޮންމެ މީހެއްގެ އަނހެނުންނަށް ބަލާލީމަ ފެންނާނެ ދީނަށް އަމަލު ކުރާ މިންވަރު. މީ ވަރަށް ވާހަކަ