އިންޑިއާގެ ރަޖިސްޓްރީ ނަންބަރު ޕްލޭޓު ޖަހާފައި އޮތް ކާރެއް ހުޅުމާލެއިން ފެނިއްޖެއެވެ. މި ކާރު އޮތީ ހުޅުމާލެ އަމީން އެވެނިއު ބިލްޑިން ކުރިމަތީގައި ޕާކު ކޮށްފައެވެ.

ސޯޝަލް މީޑިއާގައި ދައުރުވާ މި ފޮޓޯއާ އެކު ލިޔެފައިވާ ލިޔުމެއްގައި ބުނެފައިވަނީ އެ ކާރު ޕާކު ކޮށްފައި އޮތް ހުޅުމާލެ އަމީން އެވެނިއު އިމާރާތަކީ އިންޑިއާގެ އޮފިޝަލެއް ދިރިއުޅުއްވާ އިމާރާތެއް ކަމަށެވެ. ނަމަވެސް އެއީ އެ އޮފިޝަލްގެ ކާރު ކަމެއް ނުވަތަ އެއޮފިޝަލެއްގެ މަސްލަހަތު ހިމެނޭ ކާރެއް ކަމެއް ނޭނގެއެވެ.

މިކަމާ ގުޅޭގޮތުން ޓްރާންސްޕޯޓު މިނިސްޓްރީގެ އިސް ބޭފުޅަކާ ވާހަކަދައްކާލެވޭތޯ މަސައްކަތް ކުރި ނަމަވެސް ފޯނަށް ޖަވާބު ނުދެއްވާތީ އިތުރު މައުލޫމާތެއް ލިބޭ ގޮތެއް ނުވެއެވެ. ނަމަވެސް ފޮރިން މިނިސްޓްރީން ވަނީ ޑިޕްލޮމެޓުންގެ ކާރުގައި "ޑީޕީއެލް" ރަޖިސްޓްރީ ހުންނާނެ ކަމަށް ބުނެފައެވެ.

މިކަމާ ގުޅިގެން ފުލުހުން ބުނީ މައްސަލަ ބަލަމުން ދާ ކަމަށެވެ.

އިންޑިއާގެ ރަޖިސްޓްރީ ނަންބަރު ޕްލޭޓެއްގެ ކާރެއް މިއަދު ފެނުނުއިރު އިއްޔެ ވަނީ އެއް ރަޖިސްޓްރީ ނަންބަރެއް ޖަހާފައިވާ ދެ ކާރެއް ފެނިފައެވެ. އަދި އޭގެތެރެއިން އެއް ކާރު ފުލުހުން ޓޯޔާޑަށް ވަނީ ގެންގޮސްފައެވެ.

ފޮރިން މިނިސްޓްރީ ޓްރާންސްޕޯޓް