ހަތަރު މީހުންނާ އެކީ އަޑިއަށް ދިޔަ ދޯނި ފުންކުރަން އެމްއެންޑީއެފުން މަސައްކަތް ފަށައިފިއެވެ.
އެމްއެންޑީއެފުން ބުނީ، އަޑިއަށް ގޮސްފައިވާ ދޯންޏަކީ ހިލައާއި ހިލަވެލި ހިފައިގެން ދަތުރުކުރި ދޯންޏެއް ކަމަށެވެ. ހަތަރު މީހުންނާ އެކު ދަތުރު ކުރި "ދުވެލި" ނަމަކަށް ކިޔާ ދޯނި އަޑިއަށް ގޮސްފައި ވަނީ ހުޅުމާލެ ކައިރިން ކަމަށް ފުލުހުން މައުލޫމާތު ދެއެވެ.
އެމްއެންޑީއެފުން ބުނީ، މާލެ އޭރިއާ ކޯސްޓް ގާޑް ސްކޮޑްރަން އިން މިހާރު ދޯނީގެ ވެރިފަރާތާއި ގުޅިގެން އެ ދޯނި ފުންކުރަން މަސައްކަތް ކުރަމުންދާ ކަމަށެވެ. މި ހާދިސާގެ ރިޕޯޓްކޮށްފައި ވަނީ މިއަދު ހެނދުނު 11:34 ހާއިރު ކަމަށް އެމްއެންޑީއެފުން ބުނެއެވެ.
ދޯނި އަޑިއަށް ދިޔުމާ ގުޅިގެން އޭގައި ތިބި މީހުން ފަތާފައި ހުޅުމާލެއަށް އަރާފައިވާ ކަމަށާއި ދޯނީގައި ތިބި ހަތަރު މީހުންނަކީ 3 ބިދޭސީންނާއި ދިވެއްސެއް ކަމަށް އެމްއެންޑީއެފުން ބުނެއެވެ.
