މިއަހަރު ފުރަތަމަ ޓާމްގެ ރިޕޯޓް ފޯމް 10 ސްކޫލަކަށް ޑިޖިޓަލްކޮށް ދިނުމަށް ހަމަ ޖެހިފައިވާ ކަމަށް މިނިސްޓްރީ އޮފް އެޑިއުކޭޝަނުން ބުނެފިއެވެ.
އެޑިއުކޭޝަން މިނިސްޓްރީން ބުނީ، "MEMIS" ބޭނުންކޮށްގެން، ރިޕޯޓްފޯމް ޖެނެރޭޓް ކުރުމުުގައި ދިމާވި މައްސަލައެއްގެ ސަބަބުން ޑިޖިޓަލްކޮށް ރިޕޯޓް ފޯމް ދިނުމަށް ހަމަ ޖެހިފައިވަނީ 10 ސްކޫލަކަށް ކަމަށެވެ.
ރިޕޯޓް ފޯމް ޑިޖިޓަލްކޮށް ދިނުމަށް ހަމަޖެހިފައިވާ ސްކޫލްތަކުގެ ދަރިވަރުންނާއި ބެލެނިވެރިންނަށްމ ދަރިވަރުންގެ ނަތީޖާއާއި އެހެނިހެން މައުލޫމާތު އޮންލައިންކޮށް ބެލުމުގެ ފުރުސަތު ފަހިވެގެން ދާނެ ކަމަށް އެޑިއުކޭޝަން މިނިސްޓްރީން ބުނެއެވެ. އަދި އޮންލަިންކޮށް ސްކޫލުން ރިޕޯޓް ބެއްލެވުމަށް ބޭނުންފުޚުވާ ބެލެނިވެރިިންނަށް އެ އިންތިޒާމް ސްކޫލުގައި ހަމަޖެހިފައިވާނެކަމަށް އެ މިނިސްޓްރީން ބުނެއެވެ.
ޑިޖިޓަލްކޮށް ރިޕޯޓް ފޯމް ދިނުމަށް ހަމަ ޖެހިފައިވާ 10 ސްކޫލަކީ ސަރުކާރުުގެ 213 ގެ ތެރޭގައި ހިމެނޭ 10 ސްކޫލެވެ.
