ދުނިޔޭގެ އެކި ކަންކޮޅުތަކުން ގިނަ ބައެއްގެ މެދުގައި ބޮޑު މަގުބޫލުކަމެއް ހޯދި ޓީވީ ޝޯ "ހޫ ވޯންޓްސް ޓު ބީ އަ މިލިއަނާ" 20 އަހަރަށް ފަހު ނިންމާލައިފިއެވެ.
"އިޒް ދެޓް ޔުއާ ފައިނަލް އާންސާ" ނުވަތަ "ފޯން އަ ފްރެންޑް" ފަދަ އިބާރާތްތަކެއް މުޖުތަމައަށް ދޫކޮށްލި ޝޯ އެންމެ ފުރަތަމަ ދައްކަން ފެށީ 1999 ވަނަ އަހަރުގެ އޯގަސްޓް މަހުގެ ތެރޭގައި އޭބީސީ ނެޓްވާކުންނެވެ.
މެދުކެނޑުމެއްނެތި 17 އަހަރު ޝޯ ގެނެސްދިން ނަމަވެސް 2019-2020 ވަނަ އަހަރުގެ ސީޒަނަށް މި ޝޯ ނުދާނެކަން ތަރުޖަމާނަކުވެސް ވަނީ ކަށަވަރުކޮށްދީފައެވެ.
ޖޭމްސް ރޯލީ އެގްޒެކެޓިވް ޑައިރެކްޓަރެއްގެ ގޮތުގައި މަސައްކަތްކުރި ޝޯގެ ހޮސްޓުންގެ ތެރޭގައި ކްރިސް ހެރިސަންއާއި ޓެރީ ކްރޫސް ފަދަ ފަންނުވެރިން ފާހަގަކޮށްލެވެއެވެ.
އިހުތިޔާރީ ޖަވާބުތަކަކާއެކު ސުވާލުކުރަމުން ގޮސް ނޭވާ ހިފަހައްޓާލަންޖެހޭ ހާ އާދަޔާ ހިލާފު ސުވާލުތަކެއް ކުރިމަތިކުރި ޝޯގެ އެޕިސޯޑެއް ކާމިޔާބު ކުރާ މީހަކަށް، އިނާމެއްގެ ގޮތުގައި 1 މިލިއަން ޑޮލަރު ލިބެއެވެ. މި ޝޯއަކީ 2000 އަހަރުތަކުގެ ކުރީކޮޅު ދިވެހިރާއްޖޭގެ އެކި ކަންކޮޅުތަކުން ގިނަ ބަޔަކު ބަލަމުންދިޔަ، އާންމު މައުލޫމާތުގެ ހަޒާނާ މުއްސަނދިކޮށްދިން ޕްރޮގްރާމެކެވެ.
