ކުރީގެ ފިލްމުތައް ޒަމާނީ ބަދަލުތަކާއެކު އަލުން ޝޫޓުކުރުމަށްފަހު ރިލީޒް ކުރުމުގެ އޮއެވަރެއްގައި ބޮލީވުޑްޖެހިފައިވާއިރު، 1991 ވަނަ އަހަރުގެ ހިޓް ފިލްމް "ލަވް"ގެ ޒާމާނީ ރީމޭކެއް ބަލާލެވިދާނެ ކަމަށް ބޮލީވުޑްގެ ތަޖުރިބާކާރު ބަތޮލް ސަލްމާން ހާން ބުނެފިއެވެ.
ސަލްމާންގެ ވާހަކަ ހުރި ގޮތުން އެ ފިލްމުގެ ލީޑެއްގެ ގޮތުގައި ފެނިގެންދާނީ ވަރުން ދާވަންއެވެ.
1991 ވަނަ އަހަރުގެ ފިލްމް "ލަވް"ގައި ސަލްމާންއާއިއެކު ލީޑުން ދެން ފެނިގެންދިޔައީ ރިވާތީއެވެ. "ލަވް"އަކީ ރީތި، ހިތްގައިމު ފިލްމެއް ކަމަށާ، އޭނާގެ ކެރެކްޓާއަކީވެސް ފުރިހަމަ ކެރެކްޓަރެއް ކަމަށާ، ނަމަވެސް އެފިލްމަކީ އޭނާގެ އެކްޓިންގް އެންމެ ފުރިހަމައަށް ދައްކުވާދެވިފައި ނުވާ މަދު ފިލްމުތަކުގެ ތެރެއިން އެއް ފިލްމު ކަމަށްވެސް ސަލްމާން ވަނީ ބުނެފައެވެ.
އަދުގެ މަސައްކަތްތަކަށް ބަލާއިރު، ސަލްމާން މިދުވަސްވަކޮޅު ހަރަކާތްތެރިވަމުންދަނީ ފިލްމް "ބަހާރަތް"އަދި "ދަބަންގް"އާއި ގުޅުންހުރި އެކި މަސައްކަތްތަކުގައެވެ. ފިލްމް "ބަހާރަތް" ރިލީޒް ކުރުމަށް ހަމަޖެހިފައިވަނީ އަންނަ މަހުގެ 5 ވަނަ ދުވަހުއެވެ.
