މިދިޔަ ހުކުރު ދުވަހު ސިނަމާތަކަށް ރިލިޒްކުރި ފިލްމް "ސްޓޫޑަންޓް އޮފް ދަ އިޔާ 2" ލީކުކޮށްލައިފިއެވެ.
ގިނަ ބައެއްގެ ތައުރީފާ ފާޑުކިއުންތައް އަމާޒުވެފައިވާ "ސްޓޫޑަންޓް އޮފް ދަ އިޔާ 2" އޮންލައިން ޕްލެޓްފޯމުގައި ލީކުކޮށްލާފައިވަނީ ޓެމިލްރޮކާޒްއިންނެވެ.
ގާނޫނާ ހިލާފަށް ޓެމިލްރޮކާޒްގައި ފިލްމު ލީކުކޮށްފައިވާއިރު، އަދިވެސް އެ ލިންކް ޑީއެކްޓިވޭޓްކޮށްފައެއް ނުވެއެވެ. "އެވެންޖާޒް: އެންޑްގޭމް"ވެސް ލީކުކޮށްފައިވަނީ ހަމަ މި ޕޯޓަލްއިންނެވެ.
ކަރަން ޖޯހަރުގެ ބޮޑު އެހީތެރިކަމަކާއެކު އުފައްދާފައިވާ "ސްޓޫޑަންޓް އޮފް ދަ އިޔާ 2" އަކީ ތާރާ ސުތާރިއާ އާއި، އަނަންޏާ ޕާންޑޭގެ ޑެބިއު ފިލްމެވެ. ހޮލީވުޑްގެ ތަރި ވިލް ސްމިތްގެ ހާއްސަ ފެނިލުމެއްވެސް މި ފިލްމުގައި ވަނީ ހިމަނާފައެވެ.
