މުނިފޫހިފިލުވުމުގެ ދާއިރާގައި ހަރަކާތްތެރިވެ ދެމިހުރެވޭނީ ނަފުސާނީ ގޮތުން ވަރަށް ވަރުގަދަ ވެގެން ކަމަށް 90ގެ އަހަރުތަކުގެ ތެރޭގައި ބޮލީވުޑް ސިނާއަތް ފަތަހަ ކުރި ބަތޮލް ސުނީލް ޝެޓީ ބުނެފިއެވެ.
އޭނާގެ ދަރިންނަށްދޭ ނަސޭހަތްތަކާ ބެހޭ ގޮތުން ވާހަކަ ދައްކަމުން ސުނީލް ޝެޓީ ބުނީ އާތިޔާއާއި އަހަންގެ ކެރިއަރުގައި މިހާރު އެމީހުން ތިބި ހިސާބާ މެދު ހިތްހަމަޖެހޭ ކަމަށާ، އެ ދެކުދިންނަކީވެސް އަނެކުންނާ އިހުތިރާމް ކުރާ ބައެއް ކަމަށެވެ. އަދި ކަންކަމުގައި ފެއިލްވާ ހިނދު އެކަން ހަޖަމް ކުރެވޭ ވަރަށް ނަފްސާނީ ގޮތުން ތައްޔާރުވުމަށްވެސް އެކުދިންނަށް އިރުޝާދު ދީ ނަސޭހަތް ދީ ހަދާކަމަށް ސުނީލް ޝެޓީ ބުނެއެވެ.
އުމުރުން 57 އަހަރުގެ ސުނީލް ޝެޓީގެ ހުރިހާ ވަގުތެއްހެން މިހާރު ހުސްކޮށްލާފައިވަނީ ފިޓު މީހެއްގެ ގޮތުގައި ދެމި ހުރުމަށެވެ. ސިޔާސީ މައިދާނުން ނުފެންނާނެ ކަމަށް ބުނާ ސުނީލް ބުނާ ގޮތުގައި އާއިލާއަށްޓަކައި ދުޅަހެޔޮކަންމަތީ ދެމިހުރުމަކީ އޭނާ ކޮންމެހެން ބޭނުންވާކަމެކެވެ. ޖިސްމާނީ ގޮތުން ފިޓްވުމަކީ ހުރިހާ އެންމެންވެސް އޭނާ ބަލައިގަންނާނެ ކަމެއް ކަމަށް ސުނީލް ޝޭޓީ ބުނެއެވެ.
