ބައިނަލްއަގުވާމީ ފެންވަރުގައި ނުރަސްމީ ސިފައެއްގައި ފާހަގަކުރަމުން އަންނަ މަންމައިންގެ ދުވަހުގެ މުނާސަބަތުގައި، އަމީތާބު ބައްޗަން، ހުރިހާ މަންމައިންނަށް ހާއްސަ ހަދިޔާއެއް ދީފިއެވެ.
އަމީތާބު ބައްޗަންއާއި ސޫޖިތު ސިރްކާރު އެކުވެގެން ތައްޔާރުކޮށް ދުނިޔޭގެ އެކި ކަންކޮޅުތަކުގައި ތިބި މައިންނަށް ހަދިޔާކޮށްފައިވަނީ ހިތުގެ އެންމެ ހިމަ ނާރުތަކާ ކުޅެލާ ފަދަ ހިތްގައިމު ވީޑިއޯއެކެވެ.
މި ހަދިޔާއާއި ބެހޭ ގޮތުން ވާހަކަ ދައްކަމުން ސޫޖިތު ބުނީ، މި ހިޔާލު އެންމެ ފުރަތަމަ އޭނާއަށް ލިބުނީ އަނޫޖް ގާގްގެ ހާއްސަ މިއުޒިކު އަޑުއިވުނު ހިސާބުން ކަމަށެވެ. ލަވައެކޭވެސް ބުނެވިދާނެ މި ވީޑިއޯ މޮންޓާޖުން އިވިގެންދާ ޅެން ތައްޔާރުކޮށްދީފައިވަނީ ޕަނީތު ޝަރުމާއެވެ. ސުޖީތު ބުނި ގޮތުގައި މި ޅެން އެންމެ އިންސާފުވެރިކޮށް އާންމުންނާ ހަމައަށް ގެނެސްދެވޭނެއިތުރު މީހަކު އަމީތާބު ފިޔަވާ ދެން ނުހުންނާނެ ކަމަށެވެ.
މި ލަވައަކީ ދަރިއެއްގެ ނަޒަރުން އޭނާގެ މަންމައަށް ކިއާދޭ ލަވައެކެވެ. މައިވަންތަ ކަމުގެ ލޯތްބަކީ އުމުރުން ކިތަންމެ ދޮށީވީ ކަމުގައި ވީ ނަމަވެސް ދުވަހަކުވެސް އެފަދަ ދެވަނަ ލޯތްބަކުން ބަދަލު ދެވޭނެ ލޯތްބެއް ނޫންކަން މި ލަވައިން ކިތަންމެ ރަނގަޅަކަށް ބަޔާންކޮށްދޭނެ ކަމަށް ބުނެވެއެވެ.
ކޮބާ ވީޑިއޯ