އިންޑިއާގެ ބޮޑުވަޒީރު ކަމުގެ މަގާމުގެ ދެވަނަ ދައުރެއް ކަށަވަރު ކުރެއްވުމަށް އާންމު އިންތިހާބުގައި ވާދަކުރައްވަމުން ގެންދަވާ މިހާރުގެވެސް ބޮޑުވަޒީރު ނަރޭންދްރާ މޯދީއާއެކު ބޮލީވުޑްގެ ބަތޮލް އަކްޝޭ ކުމާރު ކުރިއަށް ގެންދިޔާ ހާއްސަ އިންޓަވިއުއަށް ގިނަ ބަޔަކު ފާޑުކިއަމުން ދާއިރު، އެމެރިކާގެ ރައީސް ޑޮނާލްޑް ޓްރަމްޕް ޓެގުކޮށް، ސިދާތު ސުރްޔަނާރަން ޓްވީޓެއް ކޮށްފިއެވެ.
"ރަންގް ދެ ބަސަންތީ"ގެ އެކްޓާ ސިދާތު، ޓްރަމްޕް ޓެގުކޮށް ކުރި ޓްވީޓުގައި ބުނެފައިވަނީ ޓްރަމްޕްއަކީވެސް ވެރިކަމުގެ ދެވަނަ ދައުރެއް ކަށަވަރުކުރައްވަން މަސައްކަތްކުރައްވަމުން ގެންދަވާ ބޭފުޅަކަށްވާއިރު، ޓްރަމްޕްއާއި ކޮށްލަންޖެހޭ ސުވާލުތަކެއް ހުރީތީ އެ އިންޓިވިއު ސިދާތްއާއިއެކު ކުރިއަށް ގެންދިއުމަށް ލަފާދޭ ކަމަށެވެ.
އަކްޝޭއާއި މޯދީގެ އިންޓަވިއުއަކީ މޯދީ ފަރީއްކުޅުއްވުމުގެ އާދަކާދައާއި، މިޒާޖާ ގުޅުންހުރި ވާހަކަތަކެއް ގެނެސްދިން އިންޓަވިއު އަކަށްވާއިރު، ޓްރަމްޕާ ސިދާދުވެސް ކުރާނީ އެފަދަ ސުވާލުތަކެއްކަމަށް އެ ޓްވީޓުގައި ވަނީ ބުނެފައެވެ.
އިންޑިއާގައި މިހާރު ކުރިއަށްދާ އާންމު އިންތިހާބުގައި އަކްޝޭ ވޯޓު ނުދޭ މައްސަލަ ބޮޑުވެފައިވާއިރު، އަކްޝޭއަކީ ކެނެޑާގެ ޕާސްޕޯޓް އޮންނަ މީހެއް ކަމަށް އޭނާ އަމިއްލައަށް ބުނެފައިވާއިރު، އަކްޝޭއަށް ހަޖޫ ޖެހުމުގެ ގޮތުން ސިދާތު ކޮށްފައިވާ ޓުވީޓުގައި، އޭނާގެ އަތުގައި އޮތީ އިންޑިއާގެ ޕާސްޕޯޓެއް ކަމުގައި ޓްރަމްޕަށް ވަނީ ދަންނަވާފައެވެ.
ސިދާތްގެ މި ޓުވީޓާ ގުޅިގެން ގިނަ ބަޔަކު ދަނީ ސޯޝަލް މީޑިއާގައި އެކި ގޮތް ގޮތަށް ވާހަކަ ދައްކަމުންނެވެ.
